kankaatchi

பொங்கல் முதல்நாள் போகி

2012-01-11T02:18:00.000-08:00

பொங்கல் முதல்நாள் போகி

அன்று தமிழ் நாடு நாடு முழுவதும்

வெளிவிடும் நச்சு புகை வானை நோக்கி

மக்கள் மூச்சு திணறுவார்

நச்சுகாற்றை உள்வாங்கி

இன்றே நிறுத்துவோம் இந்த மூட பழக்கத்தை

உடலை அழிக்கும் புகை பிடித்தலையும் சேர்த்து

மனித மனங்களை விட்டு அகலட்டும்

தீமை விளைவிக்கும் தீய எண்ணங்கள்

சபதம் ஏற்போம் சபதம் ஏற்போம்

இனி வீதியில் விட்டெறிய யமாட்டோம்

பிளாஸ்டிக் குப்பைகளை

அனுபவிப்போம் அனுபவிப்போம்

அதிகாலை தூய காற்றை

அடியோடு நிறுத்திடுவோம்

குப்பைகளை கொளுத்தி காற்றை

மாசுபடுத்தும் கற்கால வழக்கத்தை

சுற்றுபுறத்தை சுத்தமாக வைப்போம்

சுகமான வாழ்வுக்கு வழி வகுப்போம்

புது பானையில் பால் பொங்கி வழிந்தோடலாம்

தெருவில் சாக்கடை நீர் வழிந்தோடலாமோ ?

இனிக்கும் கரும்பை கடித்து சுவைக்கலாம்

கண்ட இடங்களில் துப்பி

சுகாதார கேடு விளைவித்தல் தகுமோ?

தனக்கென எதுவுமின்றி அனைத்தையும்

இவ்வுலகிற்கு அளித்துவிடும் கால்நடைகள்

நன்றிகடனாக நாம் அவைகளை உயிருடன்

அனுப்பிவிடுவது கசாப்புகடைகள்

பகுத்துண்டு பல்லுயிர் ஓம்புதல் என்ற

திருவள்ளுவர் காட்டும் அன்பு நெறி

உள்ளது ஏட்டில் மட்டும்

ஆருயிர்கெல்லாம் நான் அன்பு செய்யவேண்டும்

என்ற வள்ளலாரின் போதனை அவருக்கு

மட்டும்தான் என்று விட்டுவிட்டனர் தமிழ் மக்கள்

அன்றாடம் இரக்கமற்ற உயிர்கொலைகள்

அதை இறைவனுக்கு படைத்து

உண்ணும் அரக்க மனம் கொண்டோர்

பெருகிவிட்டது நம்நாட்டில்

இறைவன் படைப்பில் அனைத்தும் சமமே

இதை உணர்ந்து அனைவரும் அன்போடு வாழும்

திருநாள் என்றுதான் வருமோ

அன்றுதான் உண்மை பொங்கல் திருநாள்

கடவுள் இருக்கிறாரா

2011-11-12T22:35:00.001-08:00

அகந்தை கொண்டவன் கடவுள் இருக்கிறாரா என்று கேட்கிறான்?

கடவுள் நம்பிக்கை உள்ளவர்களை பார்த்து

எங்கே கடவுளை காட்டு என்று பரிகாசம் செய்கிறான்

கடவுளை காட்டு என்று இவர் கேட்பாராம்

நாம் அவரை இவருக்கு காட்டவேண்டுமாம்

வேண்டுமென்றால் நீயே முயற்சி செய்து கடவுளை கண்டுகொள்

இல்லாவிடில் உன் காலம் முடியும்வரை இப்படியே பிதற்றிகொண்டிரு

உன்னை விலங்காக படைககாமல் எல்லாவற்றையும் உனக்கு அளித்து

தன்னை அறியும் அறிவை கொடுத்த இறைவனை நீ வணங்கி அவனை அறிந்துகொள்ளாமல் கிடைத்தற்க்கரிய மானிட பிறவியை வீணடித்தால் நஷ்டம் உனக்குத்தான்.

கடவுளுக்கு இல்லை

மதுவருந்தும் பெண்கள்

2010-01-19T07:58:00.000-08:00

மதுவருந்தும் பெண்கள்

மங்கையராய் பிறப்பதற்கே மாதவம்

செய்திடல் வேண்டுமம்மா என்றார்

கவிமணி தேசிக விநாயகம் பிள்ளை

மேலே கண்ட படத்தில் ஒரு மேலை நாட்டு பெண்

மது அருந்திய மயக்கத்தில் மலம் கழிக்கும்

கழிப்பிடத்தின் மீது தன் முகத்தை வைத்துகொண்டு

மயங்கி கிடப்பது வேதனையை தருகிறது

நம் நாட்டிலும் பெண்கள் மது அருந்தும் கலாசாரம் விஷம்போல் வேகமாக பரவி வருவது

சமுதாயத்தில் அமைதி தன்மையை

சீர்குலைக்கும் என்பதில் ஐயமில்லை.

குடிக்காதவர்கள் சிரிக்க?

2010-01-19T02:31:00.000-08:00

குடிக்காதவர்கள் சிரிக்க?
உலகம் முழுவதும் குடிப்பவர்கள்
இப்படிதான் இருப்பார்கள் போலும்!

கல்வி கற்க வேண்டுமென்றால் .......

2009-12-28T16:38:00.000-08:00

ஒரு மனிதனாக பிறந்தவன் கல்வி கற்க வேண்டும்
அதை எவ்வாறு கற்க வேண்டும் ?
கசடற அதாவது பிழையற கற்க்கவேண்டும்
அதற்க்கு தகுந்த ஆசானை தேடி சென்று

அவரிடம் கற்க வேண்டும்
அவ்வாறு கற்றபின் கற்றதை
வாழ்க்கையில் நடைமுறைபடுத்த வேண்டும்

இவ்வாறு திருவள்ளுவர் குறள் ஒன்றில்
தெரிவிக்கின்றார் ’

அந்த காலத்தில் கல்வி கற்க வேண்டுமென்றால்
தக்க குருவிடம் நாம்தான் செல்ல வேண்டும்
பல்லாண்டுகள் அவரிடம் தங்கி
நாம் கல்வியின் அனைத்து பரிமாணங்களையும் கற்க வேண்டும்
அதனால் அனைவருக்கும் கல்வி என்பது எட்டா க்கனியாக இருந்தது
கல்வி கற்ப்போரிடம் அந்த காலத்தில் ஜாதி
வித்தியாசம் , ஏழை பணக்காரன் என்ற பாகுபாடு காட்டப்படவில்லை .
காலபோக்கில் அவைகள் சமுதாயத்தில் வந்து புகுந்துவிட்டன
அன்று அரச குமாரனும் , அந்தன குமரனும் ,மற்ற சாதியினரும்
ஒன்றாகத்தான் கல்வி பயின்றார்கள் .
கல்வி முடிந்ததும் அவரவர் அவர்கள் பிறந்த
குடி தொழிலை செய்ய தொடங்குவர் .

ஆனால் இன்று நடப்பது என்ன ?

இன்று கல்வி இலவசமாக வும் கிடைக்கிறது. காசுக்கும் கிடைக்கிறது

பள்ளியில் சென்று படிக்கலாம் அல்லது வீட்டில் இருந்தபடியேயும் படிக்கலாம்,

நூல்கள், ஊடகங்கள் மூலமும் கல்விகற்க்கலாம்

கல்வி பெறுவதனால் அறிவு உண்டாகி,விலங்குகள் போன்ற மனிதர்கள், மனிதர்களாகவும், மாமனிதர்களாகவும் உயர்ந்து இறைநிலை அடையவேண்டும்

ஆனால் இன்று நடப்பதென்ன?

விலங்குகளிடையே இருக்கும் மூர்க்கத்தனம், காரணமின்றி சண்டையிடும் பண்பு, சிந்திக்கும் திறனின்மை ஆகிய குணங்கள்தான் கல்வியறிவு பெற்றவர்கள்,மற்றும் பெறாதவர்கள் மத்தியில் நிலவுவது வேதனையளிக்கிறது.

அவர்கள் பெறும்,பெற்ற கல்வியறிவு அவர்களை ஒரு நல்ல பண்பான மனிதனாக, ஒழுக்கம் உள்ளவராக, நேர்மை உடையவராக், சுயநலம் அற்றவராக, இரக்கம் உள்ளவராக, அன்புடையவர்களாக உயர்த்தவில்லை ,என்றால் அவர்கள் பெறும் கல்வியில் கோளாறா அல்லது அதை கற்பித்தவர்களின் திறமையின்மையா?

கல்வி கற்றபின்பும் விலங்குகள்போல் மனிதர்கள் ஏன் நடந்து கொள்கிறார்கள்?

நம் கல்வி கற்கும் பொருட்களிலும் ,முறைகளிலும் மாற்றங்களை செய்ய வேண்டிய தருணம் வந்துவிட்டது என்பதை சம்பந்தப்பட்ட இடத்தில உள்ளவர்கள் உணரவேண்டும்.

IT IS NEW LIFE EVERYDAY

2009-12-20T23:50:00.000-08:00

ஜேம்ஸ் ஹாலன் என்ற அறிஞன் சொன்னான்
IT IS NEW LIFE EVERYDAY என்று

இந்த கருத்தை மஹாகவி பாரதி தன் பாடலில்

சென்றதினி மீளாது மூடரே
நீவிர் எப்போதும் சென்றதையே சிந்தை செய்து
கொன்றழிக்கும் கவலையில் வீழ்ந்து குமையாதீர்
இன்று புதிதாய் பிறந்தோம்
என்ற எண்ணமதை சிந்தையில் கொண்டு தின்று
விளையாடி இன்புற்று வாழ்வீர்
தீமைகள் ஒழிந்து போம் திரும்பி வாரா
என்று.

இறைவன் நமக்கு தினமும் 24 மணி நேரம் அளிக்கின்றான்
அதை நாம் எப்படி பயன்படுத்துகின்றோம் என்பதை பொறுத்துதான்
நம் வாழ்வு அமைகிறது
110௦ கோடி மக்களை ஆளும் ஜனாதிபதிக்கும் அதே 24 மணிதான்
ஒரு சாதாரண மனிதனுக்கும் அதே 24 மணிதான்
கோடிக்கணக்கான ரூபாய்கள் புரளும்

பல நிறுவனங்களை நிர்வகிக்கும்
அதன் முதலாளிக்கும் 24 மணி நேரம் தான்
ஒன்றும் செய்யாத சோம்பேறிக்கும் அதே

எனவே நேரத்தை தன் அறிவை பயன்படுத்தி
திறமையாக செயல்படுபவனே
இந்த உலகத்திற்கு தேவை

இந்து மதம்

2009-12-18T01:27:00.000-08:00

இந்து மதம்
சில கேள்விகள் -சிலரின் பதில்கள்

கேள்வி.கணை
தென்னாடுடைய சிவனே

போற்றிஎன்னாட்டவர்க்கும் இறைவா போற்றிஎன்று பாடுகிறீர்களே?

பின் ஏன் சிவன் ஆலயத்தின் வாயிலிலே பிற

மதத்தவர்கள்உள்ளே நுழைய அனுமதி கிடையாது என்று

தகவல் பலகை வைத்திருக்கிறீர்கள்?

அப்படியானால் அவர்களுக்கு சிவன் இறைவன் கிடையாதா?

அவர்களுக்கு வேறு கடவுள் இருக்கிறாரா?

சொல் ஒன்றும் செயல் ஒன்றுமாக இருப்பதால்தான்
இந்த(இந்து)மதம் மக்களிடையே குழப்பத்தை உண்டுபண்ணுகிறது.

குருவாயூரிலும் அப்படிதான்எல்லா

உயிரிலும் வாசம் செய்யும் கேசவனை
நான் வணங்குகிறேன் என்று

தினம்தினம் மார்தட்டிகொள்ளும் வைணவர்கள்
எந்த ஜாதியை சேர்ந்தவனானாலும் அவனில்
கேசவன் வாசம் செய்கிறான் என்று

ஏன் ஏற்றுகொள்வதில்லை?

மனிதரில் பேதம் பார்ப்பவன் எவனும் இறைவனை

உணராதவர்களேஅவனை உணராத காரணத்தினால்

அவர்கள் மனம் அவர்கள் சார்ந்துள்ள மதத்தை,

மதக்கடவுளை அவர்களுக்கு மட்டும்
சொந்தமாக எண்ணுகிறது(சொந்த சொத்து போல்)

எப்போது ஆலயங்களில் உண்மைக்கு மாறான
இந்த போலிகள் ஒழிக்கப்படுகின்றவோ

அப்போதுதான் உண்மையான தெய்வீகம் மலர்ந்து

மக்களிடையே பேதம் ஒழியும்.

தமிழறிஞர்களே உங்கள் பார்வைக்கு

2009-11-18T19:43:00.000-08:00

தமிழறிஞர்களே உங்கள் பார்வைக்கு
தமிழிலக்கணம் கற்றதால் அதை அறியாரை

எள்ளி நகையாடுவதும்

அவரை தாழ்த்தி பேசுவதும் தகுமோ உமக்கு ?
எவ்வாறு பேசிடினும் தமிழ் மொழி பேசுபவன் தமிழன்தான்

என்பதை என்றுதான் உம் போன்றோர் உணர்வீரோ நானறியேன் ?
அனைத்தும் கற்றவன் என்று இறுமாந்த கம்பன்

ஏற்றம் இறைப்பவனிடம் பட்ட பாட்டை நீர் மறந்தீரோ ?

கற்றது கள்ளளவு கல்லாதது

கடலளவு என்ற அவ்வை பாட்டி

ஆடு மேய்க்கும் சிறுவனிடம்
சுடாத பழத்தை கேட்டு

தன் அறியாமையை சுட்டு கொண்டது
உம் நினைவிற்கு வரவில்லையோ ?

மாடு மேய்க்கும் இடையனை

மஹாகவி காளிதாசனாக்கி பண்டிதர்களை

அவன் காலடியில் மண்டியிட வைத்த

அந்த மாகாளியின் பெருமையை மறந்தீரோ ?
இலக்கணம் படித்து தலைக்கனம் பிடித்து

அலைந்தால் யாருக்கு லாபம் ?

ஊருக்கா இல்லை உம் போறோருக்க்கா ?

எனக்கு புரியவில்லை
நாம் அனைவரும் தமிழ் தாயின் மைந்தர்கள்
என்பதை என் மறந்தீர் ?
அன்னைக்கு அவள் மைந்தர்கள் அனைவரும் ஒன்று
அவ்வாறிருக்க தமிழர்களை என் கூறு போடுகிறீர்?

சாதியால் இணையமுடியாது
மதத்தினால் இணைய முடியாது
மொழியால் இணையவும்
விடமாட்டேன் என்று உறுதி பூண்டு
குருதியினை என் சிந்துகிரீர் ?
எவ்வளவு பிரிவுகள் இருந்தாலும்

ஏற்ற தாழ்வுகள் இருந்தாலும்
பிற மொழியினர் மொழியால் இணைந்து

நம் தாய் மண்ணில் உயர்ந்து நின்று கோலோச்சுவதை

கண்டும் ஏன் இவ்வாறு அறியாமையில் உழல்கின்ரீர் ?
உமக்கு தெரிந்தால் சொல்லுங்கள்

கற்றிலனாயினும் கேட்க என்றானே வள்ளுவன் அவன் சொல்லை நினைத்து
உம் சொல்லை செவி மடுக்கிறேன்
(இன்னும் வரும் )

தீபாவளி திருநாளா அல்லது தீபா வலி தருநாளா ?

2009-10-17T17:59:00.001-07:00

தீபாவளி திருநாளா அல்லது
தீபா வலி தருநாளா ?
நரகாசுரன் இறந்ததை இப்படி
அசுரத்தனமாகத்தான் கொண்டாட வேண்டுமா ?

ஓராண்டு முழுவதும் வாகனங்கள் வெளியிடும் நச்சு புகையை
பட்டாசுகள் வெடித்து இரண்டே நாட்களில் நம் சுற்றுபுறத்தை
நாசப்படுதுவதுதான் தீபாவளி பண்டிகையின் நோக்கமா ?
வெளியே சென்றால் பட்டாசு வெடிச்சத்தம் காதை செவிடாக்கிவிட்டது
. தரையிலும் சத்தம் வானை அண்ணாந்து நோக்கினாலும்
வெடிச்சத்தம் கண்ணை குருடாக்கும் ஒளிவெள்ளம்

வீட்டிற்குள்ளே வந்தால் தொலைகாட்சி பெட்டியில்,
பண்பலையில் அறிவிப்பாளர்கள் ,பேட்டியாளர்கள் ,
பாடல்கள் ,ஆட்டங்கள் ,பட்டி மன்றங்கள் ,
விளம்பரங்கள் ,வன்முறை,மற்றும் விரச காட்சிகளை
கொண்ட திரைப்படங்கள், என நாராசமான கூச்சல்

கேட்கும் சக்தியற்றவர்களே நீங்கள் உண்மையில்
புண்ணியம் செய்தவர்கள் இந்த கொடுமைகளிலிருந்து
தப்பியதற்கு என்றுதான் நினைக்க தோன்றுகிறது

விளக்குகளை வரிசையாக ஏற்றி புத்தாடை உடுத்தி
இறைவனை வணங்கி உறவுகளுடன் உள்ளன்போடு
இனிப்பு வழங்கி பெரியர்வர்களை வணங்கி
ஆசி பெற்று மகிழ்வதை விட்டுவிட்டு

சுற்றுபுறத்தை நச்சு வாயுக்களால் மாசுபடுத்துவதும் ,,
குப்பைகளால் நாட்டையே நிரப்புவதும்

பல்லாயிரம் கோடி ரூபாய்க்கு மது குடித்து
உடல்நலத்தை அழித்துகொள்வதும்
ஒரு பண்டிகையின் நோக்கமாக இருக்க முடியாது .

இதய நோய் உள்ளவர்களும் , முதியோர்களும் ,
குழந்தைகளும் , சுவாச நோய் உள்ளவர்களும் நோயாளிகளும்,
மனநலம் பாதிக்கப்பட்டவர்களும், ஓலை குடிசையில் வாழ்பவர்களும்,,
சிறு ,பிராணிகளும் , பறவைகளும் அடைந்த துன்பத்தை
சிறிதும் கருத்தில் கொள்ளாமல் வெடிகளை வெடித்து
,பல்லாயிரம் கோடி ரூபாய்களை வீணாக்கிய
இந்த மக்கள் சமுதாயம் பண்புள்ளவர்கள் , அறிவுள்ளவர்கள் ,
மனித நேயம் கொண்டவர்கள் என்றெலாம்
பீற்றிகொள்வதற்கு எந்தவகையிலும் அருகதையற்றவர்கள்

மகிழ்ச்சி தேவைதான்.
ஆனால் அது .தானும் மகிழுந்து பிறரையும்
மகிழ்விப்பதாக இருக்கவேண்டும்..

இந்த போலியான மகிழ்ச்சி அவர்களுக்கோ அல்லது
இந்த மனித குலத்திர்க்கோ
எந்த நன்மையையும் அளிக்கபோவதில்லை
என்பதை அவர்களுக்கு யார் புரியவைப்பது ?
அசுரனின் அழிவை கொண்டாடுபவர்கள்
பிறருக்கு துன்பம் தந்துதான் அதை
கொண்டாட விரும்புவார்களோ?
சிந்திப்பீர்.

தொலை காட்சிகளால் என்ன பயன்?

2009-10-10T20:56:00.000-07:00

தொலை காட்சிகளால் என்ன பயன்?

1.உலகில் எங்கோ ஒரு இடத்தில் நடக்கும் வன்முறை சம்பவங்கள் உடனுக்குடன் உலகம் முழுவதும் ஒளிபரப்பப்பட்டு உலகம் முழுவதும் வன்முறை கலாசாரம் பெருக வழி செய்கிறது.

2.ஒரே செய்தியை ஒவ்வொரு தொலைகாட்சியும் அவைகள் இஷ்டம்போல் திரித்து பொய்யான தகவல்களுடன் வெளியிட்டு மக்களை குழப்புகின்றன

3.சிறிய பிரச்சினைகளை கூட பெரிதுபடுத்தி மக்களிடையே அமைதியை கெடுக்கின்றன

4.ஆபாச நடனங்கள்,நாடகங்கள்,பாடல்கள்,போன்றவற்றை அடிக்கடி ஒளிபரப்பி இளைஞர்களின் உள்ளங்களை கெடுக்கின்றன.

5.பொய்யான மெயப்பிக்கப்படாத மருத்துவ முறைகளை போலி மருத்துவர்களைகொண்டு பணம் பெற்றுக்கொண்டு மக்களை ஏமாற்றி மோசடி செய்கின்றன

6.ஆன்மீகதிர்க்கே தொடர்பில்லாத போலி சாமியார்களை மக்களிடையே விளம்பரபடுத்தி அவர்கள் மக்களிடம் பணம் பறித்து கொழுக்க வழிவகை செய்து தருகின்றன.

தொலைக்காட்சிகளினால் நன்மைகள் பல விளைந்திடினும் அதை விட அதிக அளவில் தீமைகள்தான் மேலோங்கிஇருகின்றன என்றால் மிகையாகாது.

நிலவில் தண்ணீர்

2009-10-10T04:29:00.000-07:00

நிலவில் தண்ணீர்-வெறும் கானல் நீர்

கோடிகணக்கான டாலர்கள் வீணடிப்பு.

நாசா நிறுவனம் ஏமாற்றம். எதிர்பார்த்த விளைவுகள் இல்லை தகவல்களும் கிடைக்கவில்லை.

இவ்வாறு பணத்தை வீணடிப்பதை விட்டுவிட்டு உலகில் வறுமையை போக்க நடவடிக்கை எடுத்தால் நல்லது.

தற்போது வாழுகின்ற உலகத்தை அழியவிடாமல் இருக்க முயற்சிகள் செய்தால் மனித குலம் வாழும், வாழ்த்தும்

காண்பதனைத்தும் இறைவனே

2009-10-09T19:48:00.000-07:00

காண்பதனைத்தும் இறைவனே

ஆம் நாம் இவ்வுலகில் காண்பதனைத்தும் இறைவனே

காண்பதனைத்தும் அவனின் கைவண்ணமே தவிர வேறெதுவுமில்லை

நாம் பயன்படுத்தும் அனைத்து பொருட்களும் அவனுடையதே
நம்முடைய உயிரும் அது தங்கியுள்ள உடலுமவன் அளித்ததே

நமகென்று எதுவுமே சொந்தமில்லாத நிலைமையில் நான் என்றும் .எனது என்றும் என்ற எண்ணம் எங்கிருந்து வந்தது ?

அதுதான் மாயை
மாயை நீங்க மாயவனை சிந்திக்க வேண்டும்
அப்போதுதான் உடல் மீதும் உடைமைகள் மீதும் மோகம் நீங்கி ஞானம் சித்திக்கும்

ஏமாற்றமில்லாமல் வாழ எந்த செயலையும் பலன் கருதாது செய்யவேண்டும்

அகந்தை நீங்க இறைவனிடம் முழு நம்பிக்கை வைத்து அனைவரையும் இறைவனின் வடிவங்களாக கருதி சேவை செய்ய வேண்டும்

தனக்கு துன்பம் விளைவிக்கிறவர்களிடமும் அன்பு காட்டவேண்டும் .

மேலே கண்டவற்றை நினைவில் கொண்டு வாழ்க்கையை நடத்தினால் துன்பமில்லா வாழ்வும் ஞானமும் ஒருங்கே சித்திக்கும் .

இவுலகில் அனேக மகான்கள் பாடுபட்டு இறைஅருளை அடைந்திருக்கிறார்கள் .நாமும் முயற்சி செய்தால் அந்த நிலையை அடைவது சாத்தியம் .

புராணங்கள் புரட்டுக்கள் அல்ல

2009-10-08T20:19:00.000-07:00

புராணங்கள் புரட்டுக்கள் அல்ல

புரட்டிப்பார்க்க வேண்டியவை

புராணங்கள் அனைத்தும் புரட்டுக்கள் என்று கருதுவது தவறு

அவைகளில் பல செய்திகள் அடங்கியுள்ளன உதாரணத்திற்கு இராமாயணத்தில் தசரத மன்னனுக்கு நான்கு புதல்வர்கள் பிறக்கிறார்கள். உடலுறவின் மூலம் அல்ல .

அவன் மனைவிகள் வாய் மூலம் கருபாயசத்தை உட்கொள்ளுவதின் மூலம் கருத்தரித்து குழந்தை பெற்று கொள்ளுகிறார்கள்.

இந்த விஞ்ஞான தொழில் நுட்பம் பல்லாயிரம் ஆண்டுகளுக்கு முன்பே நம் நாட்டில் இருந்துள்ளது என்பதற்கு இது சான்றாக விளங்குகிறது. ஆனால் இந்த முறை தற்காலத்தில் இன்னும் கண்டுபிடிக்கப்படவில்லை. ஆனால் வாய் மூலம் கருத்தடை மாத்திரை உட்கொண்டு கருவை கலைத்துவிடும் முறை மட்டும் வழக்கத்திற்கு வந்துவிட்டது. அனைவருக்கும் தெரியும்.

அடிமாடுகளின் ரத்தக்கண்ணீர்

2009-10-08T04:02:00.000-07:00

அடிமாடுகளின் ரத்தக்கண்ணீர்

தமிழ் நாட்டிலிருந்து தினந்தோறும்

ஆயிரக்கணக்கான மாடுகள் இறைச்சிக்காக

கேரளாவிற்கு லாரிகள் மூலம் கொண்டு செல்லப்படுகின்றன

அவைகள் அங்கு ஈவிரக்கமின்றி கொடூரமாக கொலை செய்யப்பட்டு

அதன் இறைச்சிகள் வளைகுடா நாடுகளுக்கும்

மற்றும் கீழை நாடுகளுக்கும் ஏற்றுமதி செய்யப்படுகின்றன.

இன்று உலகில் அசைவ உணவு உண்போர்

எண்ணிக்கை அதிகரித்துள்ளது.

நம் வீட்டில் நமக்கு பலவகையிலும்

பயன்தந்துவிட்டு இனி பயன் இல்லை

என்ற நிலையில் அவைகளை

மாட்டு சந்தையில் விற்றுவிடுவது

நன்றி கெட்ட செயலாகும்.

நாம் உண்ணும் உணவின்

கழிவுகளை மட்டும் அவைகளுக்கு

உணவாக அளித்தாலே அவைகள்

கடைசி காலம் வரை காலம்தள்ளும்.

இறந்த பிறகு அவைகளை

இறைச்சி கூடத்திற்கு அனுப்புவதில்

எந்த பிரச்சினையுமில்லை.

ஆனால் அவைகளை ஈவிரக்கமின்றி

ஒரே லாரியில் அடைத்து சென்று

இறைச்சிக்கூடத்தில் இரும்பு சம்மட்டியால்

தலையில் அடித்து கொல்லும் கோரக்காட்சி

சமீபத்தில் அம்ரிதா தொலைகாட்சியில்

ஒளிபரப்பப்பட்டது.

எனவே தாங்கள் ஆசையோடு

வளர்த்த மாடுகள் கேரளாவில் போய்

கொடூரமாக சாகத்தான் வேண்டுமா

என்பதை அதை விற்பவர்கள்

சிறிது சிந்தித்து பார்த்தல் நலம்.

ஆனால் அசைவ உணவு உண்பவர்கள்

மனித நேயத்தை பற்றி பேசத்தான் முடியுமே தவிர

அதை அவர்களால் உணர வாய்ப்பில்லை.

அருட்ப்ரகாச வள்ளலார் கொல்லா விரதத்தை

கைகொள்ள வலியுறுத்தினார்

ஆனால் அதை கடைபிடிப்பவர்கள்

இவ்வுலகத்தில் வெகு சிலரேயாவர்.

பசுவை காமதேனு என்றும் , கோமாதா என்றும்

,பசுக்களை பராமரித்து நேசித்த கண்ணபிரானை தெய்வம்

என்றும் போற்றி வணங்கும் நம் ஹிந்து சமுதாயம்

இந்த கொடுமையை கண்டும் காணாமல் இருப்பதும்

பெரும்பாலானோர் அதன் இறைச்சியை உண்டுவிட்டு

அவனுக்கு பூஜை செய்வதும் கேலிக்குரியதும்

கண்டனதிர்க்குரியதும் ஆகும்

அவர்கள் இன்று வளமாக வாழ்ந்தாலும்

அது நிச்சயம் போலியானதாகத்தான் இருக்கும்

அதன் விளைவுகளை அவர்களோ அல்லது

அவர்களின் சந்ததிகளோ ஒரு நாள்

அனுபவித்துதான் தீரவேண்டும்

என்பது இறைவன் வகுத்த விதி

எதையுமே தேவைக்குமேல்

2009-10-07T22:20:00.000-07:00

எதையுமே தேவைக்குமேல் வைத்துகொள்வதும்,பயன்படுத்துவதும் தவறு என்று சாத்திரங்கள் சொல்கின்றன .எப்படி?
அளவுக்கு மேலே பொருள் வைத்திருந்தால்அவனும் திருடனும் ஒன்றாகும் (ஒரு திரைப்பட பாடல்)
ஒருவன் தன் தேவைக்கு மேல் பொருட்களை சேமித்து அதை தானும் பயன்படுத்தாமலும்பிறர் பயன்படுத்த அனுமதிக்காமலும் வைத்திருந்தால் அந்த பொருள் நிச்சயம்கொள்ளையர்களால் கொள்ளையிடப்படும்(பதஞ்சலி யோக சூத்திரம் )

ஒருவருக்கு மிக குறைந்தளவு நகைகள் இருந்தாலே போதுமானது. ஆனால் கணக்கிட முடியாத அளவிற்கு நகைகளை சேமித்து வைக்கும் செல்வந்தர்களின் வீடுகளில்அவைகள் கொள்ளையிடப்படுகின்றன . பல நேரங்களில் அது அவர்களின் வாழ்விற்குஎமனாகவே முடிந்துவிடுவதை தினமும் நாம் காண்கின்றோம்)

எனவே தன்னிடம் அளவுக்கதிகமான உள்ளவற்றைஇல்லாதவர்களிடம் பகிர்ந்து கொள்ளும் உயர்ந்த எண்ணம் உலகில் அதிகரித்தால் மக்களிடையே ஏற்ற தாழ்வுகள் நிச்சயம் குறையும்.

சற்றே சிந்தியுங்கள்

2009-10-06T05:12:00.000-07:00

சற்றே சிந்தியுங்கள் நம் உடலில் உள்ள ரத்த குழாய்களை போன்றதுதான் நம் நாட்டில் ஓடும் நதிகளும் நம் உடலில் உள்ள ரத்த குழாய்களில் ஓடும் ரத்தம் கெட்டுவிட்டால் நாம் நோய்களுக்கு ஆளாகி மடிவது நிச்சயம் அது போன்றதுதான் நதிகளில் ஓடும் நீரும் எல்லாவற்றிற்கும் அதையே நம்பியிருக்கும் நாம் அதில் கழிவு நீரையும்,ரசாயன நச்சு கழிவுகளையும் விட்டு அதை மாசுபடுத்துவதுநம்மை நாமே கொலை செய்துகொள்ளுவதற்கு சமமாகும் இனியும் நாம் திருந்தாவிட்டால் நாம் பகுத்தறிவு உள்ளவர்கள் என்றுபறை சாற்றிகொள்வதில் எந்த பயனும் இல்லை

2009-09-09T01:27:00.000-07:00

2009-08-29T06:54:00.000-07:00

குரங்கிலிருந்து மனிதன் உருவானான் என்பது உண்மையா?

2009-08-27T02:49:00.000-07:00

குரங்கிலிருந்து மனிதன் உருவானான் என்பது உண்மையா?
அதில் என்ன சந்தேகம்?
எப்படி?
எங்காவது ஒரு குரங்கு வந்தால் அதை பார்ப்பதற்கு அவன் ஓடுகிறானே .தன்னுடைய முன்னோடியை காணாமல் அவனால் இருக்க முடியாது.
மிருக காட்சி சாலையில் கூண்டில் வைக்கப்பட்டுள்ள குரங்குகளை பார்க்க கூடும் கூட்டமே இதற்க்கு சான்று.
அவன் உடளவில்,தோற்றத்தில் மட்டும் மாறினானே ஒழிய மனதளவில் இன்னும் அவன் குரங்காகத்தான் இருக்கிறான்.
அவன் தன்னுடைய மனம் ஒரு குரங்கு என்று சொல்வதில் இன்னும் பெருமைபட்டுகொண்டு இருக்கிறான்.
அவன் மனம் குரங்கு ஒரு கிளையிலிருந்து மற்றொரு கிளைக்கு தாவி கொண்டிருப்பது போல் நிலையான எண்ணம் இல்லாமல் மாறிக்கொண்டே இருக்கிறது . என்பது அனைவரும் அறிந்ததே.
அவன் இன்னும் தன் மூதாதையாரனான குரங்கை ஹனுமான் உருவத்தில் கோயில் கட்டி வழிபட்டு கொண்டு இருக்கிறான். காரணம் என்ன தெரியுமா?
ஹனுமான் தன் குரங்கு உருவத்தை அப்படியே வைத்துக்கொண்டார்
மனதளவில் தெய்வமாக மாறிவிட்டார்
ஆனால் மனிதனோ உடலளவில் மனிதனாக மாறினாலும் இன்னும் மனதளவில்
குரங்காக இருப்பதால்தான்.

2009-08-15T02:26:00.000-07:00

2009-08-15T00:06:00.000-07:00

2009-08-14T21:27:00.000-07:00

அகந்தையின் பல்வேறு பரிமாணங்கள்

2009-07-29T07:50:00.000-07:00

அகந்தையின் பல்வேறு பரிமாணங்கள்

அகந்தை இல்லாத மனிதர்கள் கிடையாது
ஏன் அகந்தை இல்லாத தெய்வங்களும் கூட கிடையாது
அகந்தை இருப்பதை யாரும் ஒத்துக்கொள்ளமாட்டார்கள்
உனக்கு அகந்தை இருக்கிறது என்று சொன்னாலே போதும்
அவ்வாறு சொன்னவர்களை உண்டு இல்லை
என்று பண்ணிவிடுவார்கள்
நீதான் அகந்தை பிடித்தவன் உனக்கு என்னை அகந்தை
பிடித்தவன் என்று சொல்ல என்ன யோக்கியதை இருக்கிறது
என்று ஒரு நீண்ட பட்டியலே போட்டு
சித்திரவதை செய்துவிடுவார்கள்
உனக்கு அகந்தை இருக்கிறது என்று சொன்னவர் பயித்தியம்
பிடித்து ஓட வேண்டிய சூழ்நிலை கூட ஏற்பட்டுவிடும்
இனிமேல் நான் உன்னிடம் எதையுமே பேசமாட்டேன் என்று
மண்டையில் அடித்து கொள்வார்கள் ,
அத்தோடு மட்டுமல்லாமல் அன்போடு
பேசிக்கொண்டிருந்த இரண்டு
உள்ளங்களும் தனக்குதானே
மனதை குழப்பிக்கொண்டு
நிம்மதியில்லாமல் திரிவார்கள்
இரண்டு ஜென்மங்களும் வெவ்வேறு திசைக்கு
சென்று மூலையில் உட்கார்ந்துகொள்ளும்
இரண்டு நாய்கள் காரணமில்லாமல்
சண்டையிட்டுக்கொண்டு
குலைத்து ஓய்ந்து இரண்டும்
வெவ்வேறு திசையில் ஓடிவிடும்
நம்மில் பலர் காரணமே இல்லாமல்
பேசி தினமும் சண்டையிட்டு
சச்சரவுகள் செய்து
அமைதியின்றி தவிக்கின்றோம் .
பெரும்பாலான நேரங்களில் ஒருவருக்கொருவர்
அன்போடு விட்டுகொடுத்து அனுசரித்து
ஒருவருக்கொருவர் உதவி செய்துகொண்டும் ,
அவரவர் விருப்பங்களை
பூர்த்தி செய்து கொண்டும் இருக்கின்ற நாம்
தன்னிடம் அகந்தை இருக்கிறது என்ற வார்த்தையை
மட்டும் காதில் கேட்ட மாத்திரத்தில் மட்டுமே
சுயநினைவு இழந்து வெறியாட்டம் ஆடி
நல்ல மகிழ்ச்சியான சுமுகமான சூழ்நிலையை
கெடுத்துக்கொண்டு விடுகிறோம்
இப்படி நம்முடன் கூடவே இருந்துகொண்டு
நம்மை பாடாய் படுத்தும் இந்த அகந்தை
பிசாசிடமிருந்து எப்படி தப்பிப்பது ?
நமக்குள்ளேயே இருந்துகொண்டு நம்மை
மறைந்திருந்துகொண்டு நாம் சற்றும்
எதிர்பாராமல் தாக்கும் இந்த எதிரியிடமிருந்து
நம்மை எப்படி காப்பாற்றிக்கொள்வது ?
அதன் பிடியிலிருந்து விடுவித்துக்கொள்ள
ஏதேனும் வழிமுறைகள் உண்டா என்பது கேள்வி ?
இந்த பேயிடம் மாட்டிக்கொண்டு அவஸ்தைப்படுவது நம்
போன்ற மனிதர்கள் மட்டுமல்ல ,தேவர்களும் , புலன்களை
அடக்கி தவம் செய்யும் முனிவர்கள் மட்டுமல்ல
தெய்வங்களும் கூடத்தான் என்பது புராண
இதிகாசங்களை படித்த அனைவருக்கும் தெரியும் .
இந்த ராஷசநிடமிருந்து தப்புவதற்கு ஒரே வழி
குருவிடம் பரிபூரண சரணாகதி செய்வது மட்டுமே
அனால் அதை செய்ய இந்த அகந்தை விடுமா ?
நிச்சயம் விடாது
அதற்க்கு மாபெரும் போராட்டம் நடத்தவேண்டும் .
வாழ்நாளெல்லாம் அதை எதிர்த்து போராடவேண்டும்
ஏனென்றால் தனக்கு அகந்தை முற்றிலும் முழுவதுமாக
நீங்கி விட்டது அகந்தை புதிய அவதாரம் எடுத்து
நம்மை மீண்டும் அது தன் வசமாக்கிவிடும் என்பது
ஞானிகள் கண்ட உண்மை .
ஒருவருக்கொருவர் அன்பு கொண்டவர்களிடையே
தோன்றும் அகந்தையானது சூரியனை கண்ட பனி போல்
சிறிது நேரத்திற்கு பின் விலகி சகஜ நிலைமைக்கு வந்துவிடும்
ஆனால் உள்ளத்தில் அன்பில்லாதவர்கள்
இடையே வெளிப்படும்
அகந்தையானது நீறு பூத்த நெருப்பு போல்
கனன்று கொண்டு தக்க சமயத்தை எதிர்பார்த்து
பழி வாங்க துடித்து கொண்டிருக்கும் .
அது மிகவும் ஆபத்தானது .
நீங்கள் எப்படி ?
உங்கள் உள்ளத்தை ஆராய்ந்து பாருங்கள்
.உண்மை புலப்படும்
உணர்ந்து திருத்திக்கொண்டால்
நமக்குத்தான் நன்மைகள் கோடி கோடி .

உடம்பும்-உயிரும்

2009-07-26T02:59:00.000-07:00

ஒரு பறவை தான் வசிக்க ஒரு கூட்டை கட்டுகிறது
பிறகு வேறு ஒரு பறவையுடன் இணை சேர்ந்து
இணைந்து கூட்டில் முட்டையிடுகிறது
முட்டைகள் குஞ்சு பொரித்து குஞ்சுகள் அந்த வீட்டில் வைத்து
வளர்க்கிறது . குஞ்சுகள் வளர்ந்து பெரிதாகியவுடன்
அவைகள் கூட்டை விட்டு பறந்து விடுகின்றன
.பிறகு அந்த கூட்டிற்கும் அதற்கும் எந்த தொடர்பும் இல்லை
அவைகள் கூட்டில் இருந்ததற்காக மகிழவும் இல்லை
ஒரு கால கட்டத்தில் அந்த கூட்டை விட்டு பறந்து
சென்றமைக்காக வருந்துவதும் இல்லை
அது போல்தான் உயிர் படைத்த எல்லா உயிர்களும்
ஒரு குறிப்பிட்ட காலம் வரைக்கும் ஒரு கூட்டில்
வசிக்கின்றன .அவைகளின் நோக்கம் நிறைவேறியவுடன்
கூட்டை விட்டு சென்றுவிடுகின்றன .
அந்த கூட்டிற்கும் அதில் வசித்து வந்த உயிருக்கும்
உள்ள தொடர்பு அவ்வளவுதான்
ஆனால் மனித உயிர் இந்த உடல் என்னும் கூட்டில்
வசித்துக்கொண்டு இந்த உலகத்தில் எதற்காக
வந்ததோ அந்த கர்மங்களை செய்கிறது .
அது இந்த உலகத்திற்கு வந்த நோக்கம்
நிறைவடைந்தவுடன்
அடுத்த நோக்கத்தை நிறைவேற்ற
ஒரு புதிய உடலை தேடி
சென்றுவிடுகிறது .
இதுதான் உயிருக்கும் உடல் என்னும்
கூட்டிற்கும் உள்ள தொடர்பு
ஆனால் உண்மையில் என்ன நடக்கிறது?
உயிர் தன்னை மறந்து எப்போதும்
உடலை பற்றியே எந்நேரமும் நினைத்துக்கொண்டு
அதை பராமரிக்கவே (தான் விரைவில் மரிக்கபோகிறோம்
என்ற நினைவே இல்லாமல் ) தன் வாழ்நாள் முழுவதும்
தன் சக்தியையும் , உழைப்பையும் விரயம் செய்து
கொண்டிருக்கிறது இந்த உடலை விட்டு நீங்குவதற்கு
கவலைபடுகிறது ,பயப்படுகிறது
அவ்வுயிரை சுற்றி உள்ளவர்களும்
இறந்த உடலை கட்டி கொண்டு அழுகிறார்கள் .
ஒரு பறவைக்கு இருக்கின்ற ஞானம் ஆறறிவு
படைத்த மனிதனுக்கு ஏன் இல்லை ?
எனவே கீழ்கண்ட திருக்குறளை தினம் ஒரு முறை
படித்தோமானால் இந்த உடல் மீது
மோகம் கொள்ள மாட்டோம்
மற்ற முக்கியமான
வாழ்க்கையின் உயர்ந்த நோக்கங்களை அடைய
நமக்கு அதிக நேரம் கிடைக்கும்..
குடம்பை தனித்தொழியப் புள் பறந்தற்றே
உடம்போடு உயிரிடை நட்பு
(நிலையாமை அதிகாரம் . குறள் எண் . 338)
உடம்போடு உயிர்க்கு உள்ள உறவு தானிருந்த கூடு
தனியே இருக்க அதைவிட்டு வேறு இடத்திற்கு பறவை
பறந்து சென்றது போல் ஆகும் .

2009-07-15T02:42:00.000-07:00

இன்று அனைவரும் கையில் கைக்குட்டை வைத்திருக்கிறார்களோ

எங்கு சென்றாலும் தண்ணீர் பாட்டிலை கையில் தூக்கி கொண்டு அலைய வேண்டியாகிவிட்டது. .திருமண விழாவில் உணவுகூடத்தில் இருந்து

மலைபோல் போல் காலி பிளாஸ்டிக் தண்ணீர் பாட்டில்கள் வெளியே

குப்பையில் கொட்டப்படுகின்றன. அவைகளை பழைய பிளாஸ்டிக்

வாங்குபவர்கள் கூட சமீப காலமாக வாங்குவது கிடையாது.

அவைகள் தெருவெங்கும் சிதறியும், சாக்கடைகளில்

அடைத்து கொண்டும் சுகாதார கேடுகளையும்

விளைவித்துக்கொண்டு இருக்கின்றதை

அனைவரும் அறிவீர்கள்.

எனவே அவைகளை வீட்டிலேயே பல விதத்தில்

பயனுள்ள வகையில் பயன்படுத்த வழி

வகைகள் தோன்றியது.அதில் ஒன்றுதான்

தலைவாரும் சீப்பு ஸ்டாண்டாக பயன்படுத்துவது

இது போன்று வீட்டில் கண்ணாடி எங்கெல்லாம்

மாட்டப்பட்டு உள்ளதோ அங்கெல்லாம்

இந்த ஸ்டாண்ட் அமைத்துவிட்டால்

பயனுள்ளதாக இருக்கும்.

( இது போல் இன்னும் வரும்).

Rufugees Day

2009-06-20T20:34:00.000-07:00

Refugees of this world community
Who cares for you people
There are refugees in their own country
Greedy people who head the nation create wars and make the people refugees to undergo untold sufferings on the humanity
Unless and untill the mankind trys to show love and affection to fellow beings this atrocities will ever continue till the dissolution of this world in the sea

விளம்பரத்தில் பெண்கள்

2009-06-19T20:18:00.000-07:00

இன்றைய உலகில் பெண்கள் படத்தை
போடாவிட்டால் எந்த விளம்பரமும்
மக்களை போய் சேர முடியாது

அதிலும் ஆண்கள் பயன்படுத்தும்
பொருட்களுக்கு கூட பெண்கள் படம்
போட்டால்தான் அந்த விளம்பரத்தையே
மக்கள் பார்ப்பார்கள்.

இது எப்படி இருக்கிறது என்றால்
மக்களில் பெரும்பாலானோர்
மனிதர்கள் கல்வியறிவு பெற்றிருந்தும்
இன்னும் கழிப்பிட வாசலில்
ஆணின் படமும் பெண்ணின் படமும்
போடவேண்டிய அவலமான
நிலைமை இருப்பதைபோல்தான் இருக்கிறது.

பெண்கள் தாங்கள் எவ்வளவு கேவலபடுத்தபடுகிறோம்
என்று உணராத நிலையில் இருப்பதும் அதே நேரத்தில்
பெண்களை ஆணினம் ஆதிக்கம் செலுத்துகிறது
என்று மேடைகளில் பட்டி மன்றம் நடத்துவது
கேலிக்கு உரிய விஷயம் என்பதை
அவர்கள் உணர்ந்துகொள்வதாக
தெரியவில்லை.

உதாரணத்திர்ர்ற்கு ஒரு ஆண்
ஒரு குறிப்பிட்ட பிராண்ட் ஆடைகளுடன் ஆடைகளுடன்
சென்ட் போட்டுவந்தாலோ,அல்லது
ஜட்டி போட்டு வந்தாலோ ஒரு வெட்கம்
மானத்தை விட்டுவிட்டு அவனை அழைப்பதுபோல்
விளம்பரம்கள் வருவதை எந்த பெண் அமைப்பாவது
எதிர்த்துள்ளதா என்றால் இல்லை
இன்று உலகில் வலம் வரும்
அனைத்து விளம்பரங்களும்
திரைப்படங்களும் பெண்களை
இழிவு செய்தும் அவர்களை
துய்க்கும் பொருட்களாகவும்
சித்தரிக்கப்படுகிறார்கள் என்பதை
நடுநிலை எண்ணம் கொண்ட
மனிதர்களால் மறுக்கமுடியாது .

அழகி போட்டி என்று நாகரீகம் என்ற பெயரில்
விளம்பர நிறுவனங்கள் விரிக்கும்
சதி வலையில் வீழ்ந்து அரைகுறை
ஆண்களும் பெண்களும் சேர்ந்து
எந்த விதத்தில் ஆண்கள் அவர்களுக்கு
மதிப்பு அளிக்கிறார்கள் என்பதைகூட
உணர்ந்து கொள்ள இயலாத நிலையில்
பெண் சமூகம் கவர்ச்சிக்கும்,
பணத்திற்கும், புகழுக்கும் அடிமையாகி கிடக்கிறது.

இந்நிலையில் பெண்கள் தங்களை
ஆண்கள் சமூகம் பலவிதமாக பயன்படுத்த
அனுமதித்துவிட்டு மேடைகளில் ஆண்வர்க்கம்
மீது குற்றம் சாட்டுவது கேலிக்குரியது.

நெஞ்சு பொறுக்குதில்லையே-முப்பது மூன்று மடங்கானபிறகும் நிலை கெட்டிருப்பது -ஏன்? .

2009-06-14T23:09:00.000-07:00

நெஞ்சு பொறுக்குதில்லையே
இந்த நிலைகெட்ட மனிதரை
நினைத்துவிட்டால் -(மகாகவி பாரதி )

நெஞ்சு பொறுக்குதில்லையே
இந்த நிலை கெட்ட மனிதர்களை நினைத்துவிட்டால்
என்று ஏழு பாடல்களை பாடினான்
முப்பது கோடி முகங்களை நினைத்து பாரதி அன்று
நான் பாட வந்தேன் 110 கோடி முகங்களை
நினைத்து மனம் வெதும்பி இன்று .

நெஞ்சு பொறுக்குதில்லையே
இந்த நிலைகெட்ட சுயநல அரசியல்வாதிகளை
நினைத்துவிட்டால் –
கெஞ்சினால் மிஞ்சுவார் ,மிஞ்சினால் கெஞ்சுவார்
ஒவ்வொரு தேர்தலின் போதும் நம் கையில்
உள்ள ஓட்டுகளை சில இலவசங்களை காட்டி
அவர்கள்வசம் பறிககும்வரை

விலைவாசி உயர்வுக்கு
பணவீக்கம் தான் காரணம் என்பார் .
நடவடிக்கை எடுத்துவிட்டேன்
நாளையே விலைவாசி குறைந்துவிடும் என்பார்
என்ன இன்னும் குறையவில்லையே என்று கேட்டால்
புதியதாக ஏதாவது புளுகு மூட்டையை அவிழ்த்து விடுவார்
அல்லது இதற்க்கு முந்தைய ஆட்சியினரின்
தவறான கொள்கைகளே என்று சொல்லி தப்பிக்க பார்ப்பார் .

அதற்கடுத்த நாள் விலைவாசியை கண்டித்து
ஒரு நாள் கடையடைப்பு என்றறிவிப்பார்
அதற்க்கு ஒத்துழைக்காத எதிர்கட்சிகளின் கடைகளை
சமூகநீதி காக்கும் சமூக விரோதிகளைக்கொண்டு
அடித்து நொறுக்குவார் .
அந்த பழியை அவர்கள் மேலேயே சுமத்துவார் ;
மாறி மாறி அரசியல் கட்சிகள் நடத்தும்
விலைவாசி போராட்டம் ,சாலை மறியல் போராட்டம்
,என அரங்கேற்றுவார்கள் . விலைவாசி
உயர்ந்துகொண்டு போகும்போது பெட்ரோல்
டீசல் விலையை உயர்த்தி இன்னும்
விலைவாசி உயர்ந்திட வழி வகுப்பார் .

பேருந்துகள் ஓடாமல் நோயுற்றவர்களும்
,மாணவர்களும் ,பணிக்கு செல்பவர்களும்
இன்னலுக்கு ஆளாவதை பற்றி
அவர்களுக்கு கவலையில்லை .
ஏன் இப்படி செய்கிறீர்கள் என்று கேட்டால்
நாங்கள் உங்களுக்காகத்தான் போராடுகிறோம்
என்று விளக்கம் சொல்வார்
.பிறகு இவர்களே விடுவார்கள் அறிக்கை -
இவர்களின் போராட்டம் வெற்றி என்றும்
அவர்களின் போராட்டம் பிசுபிசுப்பு என்று .

சிலைகளை வைக்க பல காலம் நடத்துவார்
போராட்டம் வன்முறை வெறிஆட்டங்களில்
போகும் பல உயிர்கள் .ஈவிரக்கமின்றி .
தியாகிகளின் பட்டியலில் அவர்களின் பெயரும் சேர்க்கப்படும்
அத்துடன் இந்த பிரச்சினை தீர்ந்ததா என்றால் இல்லை -
வைத்து விட்ட சிலையை எதோ ஒரு சிலர்
இது ஜனநாயக நாடாயிற்றே என்று நினைத்து
நமக்கு பேச்சு சுதந்திரம் இருக்கிறது என்று
நம்பி வைதாலும் போச்சு ,வாழ்த்தினாலும் போச்சு
சிலையை உடைத்தாலும் போச்சு
வெடித்திடும் கலவரம் மீண்டும் வன்முறை

இப்படி எதெர்க்கேடுத்தாலும் போராட்டம் மறியல்
எதற்கெடுத்தாலும் வன்முறை
என்னதான் செய்வார்கள் தமிழ் நாட்டு மக்கள்
.எல்லாவற்றையும் மறக்க திரைப்படத்திற்கு போனால்
அதிலும் வக்கிரமான அசிங்கமான
அருவருக்கத்தக்க வன்முறை காட்சிகள் .
ஒரு ஆளை 2o பேர் சேர்ந்து அடித்து துவைப்பதும்
சிறிது நேரம் கழித்து அவன் எழுந்து அத்தனை பேரையும்
தனி ஆளாக அடித்து நொறுக்குவதையும்தான்
அங்கும் பார்க்கவேண்டும்

வீட்டிற்குள் நுழைந்தால் தொலைகாட்சி பெட்டிகளிலும்
அதே காட்சிகள்தான் .சினிமாவில் கண்ட
அதே காட்சிகளுடன் பெண்கள் பெண்ணினத்தை
அடிமைப்படுத்தும் கொச்சைபடுத்தும்
அசிங்கப்படுத்தும் .அவமானபடுத்தும் .
வக்கிரமான உறவுகளை நியாயப்படுத்தும்
.நாளுக்குநாள் விதவிதமான வன்முறைகளையும்
.அமங்கலமான காட்சிகளை தான் காண முடியும் .
வேறு அலைவரிசைகளில் மேலே குறிப்பிட்ட காட்சிகளில்
நடித்த அதே மாதர்குலம் அவர்கள் மீது
நடக்கும் வன்முறைகள் பற்றி பட்டிமன்றம் நடத்தும்
கூத்தையும் ரசிக்கலாம் .
இத்தோடு விட்டார்களா இன்னும் கேளுங்கள்

ஐந்து ருபாய் டூத் பேஸ்ட் ஐம்பத்து ருபாய்க்கு
விற்க வழி செய்யும் விளம்பரங்களையும் .
அயிந்து பைசா கோலி மிட்டாயை கவர்ச்சியான
கவரில் போட்டு ஐந்து ரூபாய்க்கு
விற்கும் மோசடியையும்
சிவப்பாக்கும் கிரீம் என்று 20 பைசா பசையை
200 ருபாய் அளவிற்கு விற்கும் மோசடியையும்
அதை பிரபலபடுத்த உடலை பலகோணங்களில்
ஆபாசமாக காட்டி ஆடும் குத்தாட்டங்களை அரங்கேற்றி
அதில் வெற்றி பெறுபவர்களை தேர்ந்தெடுக்க
செல் போன் நிறுவனங்களுடன்
கூட்டு சேர்ந்து கொண்டு கோடிகளைகுவிக்கும்
விளம்பரதாரர்களின் நிகழ்ச்சிகளும் இதில் அடங்கும் .
இதோடு விட்டார்களா இன்னும்
சற்று பொறுமையுடன் கேளுங்கள்

உடல்நலத்துக்கு ஒவ்வாத வித விதமான
நிறம் கலந்த அமிலங்களை நம் நாட்டில் உள்ள
நிலத்தடி நீர் முழுவதையும் உறிஞ்சி
எடுக்கப்பட்ட தண்ணீர் கலந்து
கவர்ச்சியான பாட்டில்களில் நிரப்பி ,
நம் நாட்டு மக்கள் பலமுறை ஏமாந்து
இனிமேல் ஏமாறுவதற்கு ஒன்றுமில்லை
என்ற நிலையில் கவர்ச்சியான
நடிகர் நடிகைகளை கொண்டு நம்முன் நிறுத்தி
விளம்பரம் செய்து கோடி கோடியாய் மூட்டை
கட்டி கொண்டு போகும் பன்னாடை
பன்னாட்டு நிறுவனங்களின் விளம்பரங்கள் என்று
பட்டியலிட ஆரம்பித்தால் இணைய தளத்தில்
இடம் இல்லாத தளம் ஆகிவிடும் என்ற
இத்தோடு நிறுத்திகொள்கிறேன்
ஒரு பானை சோற்றுக்கு
ஒரு சோறு பதம் போல ;

என்னதான் செய்வார்கள் இந்தியா மக்கள்
அதிலும் குறிப்பாக தமிழ் நாட்டு மக்கள்
கவர்ச்சிக்கு அடிமையாகி வாய்ஜால
பேச்சுக்கு மயங்கி மதிஇழந்து நாட்டில்
தினம் தினம் நடக்கும் வன்முறைகளைக்கண்டு
பயந்துபோய் மருண்டுபோய் நாட்டில்
எங்கு சென்றாலும் தலைவிரித்தாடும்
லஞ்ச ஊழலை தட்டி கேட்க முடியாமலும்
அக்கிரமங்களை தடுக்க இயலாமலும்
வீட்டிலேயும் வெளியிலேயும் எந்தவிதமான
எதிர்ப்பையும் காட்ட முடியாமலும்
மனம் வெதும்பி மன நோயாளிகளாக வாழுகின்றனர் ;.

மனதில் அமைதியில்லை சமூகத்தில் அமைதிஇல்லை
நேர்மை வழியில் செல்ல நினைப்பவர்க்கு பாதுகாப்பில்லை
சிலர் போதையில் மூழ்கிவிட்டனர்.
சிலர் குடியில் தன்னை இழந்துவிட்டனர்
சிலர் கேளிக்கைகளில் கிடக்கின்றனர்
சிலர் அடிதடியில் இறங்குகின்றனர்
சிலர் காலம் ஒரு நாள் மாறும் என்று
எல்லாவற்றையும் சகித்துக்கொண்டு
கடவுளே என்று காலம் தள்ளுகின்றனர்
வேறு என்ன செய்வது ?

வறுமையின் காரணமாக
மானத்தையும் இழக்கும் ஒரு கூட்டம்
ஒரு புறம் ஆடம்பர வாழ்க்கை வாழ
அதே செயலை செய்யும் ஒரு கூட்டம் மறுபுறம்
ஒருபுறம் மிருகங்களின் கிட்னியை சாப்பிடும்
அசைவ பிரியர்கள் கூட்டம்
மறுபுறம் குடும்பம் நடத்த வாங்கிய
கடனை அடைக்க உதவி செய்வதாக
அப்பாவி மக்களின் கிட்னிகளை திருடி
மோசடி செய்து கோடிகளை குவிக்கும்
உலகளாவிய அரக்கர் கூட்டம்

இதனாலன்றோ கல்வியில்
சிறந்த தமிழ்நாடு மக்கள்
கலவியில் நாட்டம் கொண்டு
அயிட்ஸ் நோய்க்கு இலக்காகின்றனரோ
மனம் குழம்பிய நிலையில்
செய்வதறியாது யார் எதை
சொன்னாலும் செய்தாலும் அதை அப்படியே
உண்மையென்று நம்பி எடுப்பார்
கைபில்லையாகி மோசம் போகின்றாரோ
ஐயோ பட்டியலிட பட்டியலிட மனம் பதறுதையா
எனவே இத்தோடு விட்டுவிடுகிறேன்
இப்போதைக்கு இது போதும்

SRI GNANANADAGIRI SWAMYGAL

2009-04-26T18:49:00.000-07:00

SRI GNANANDAGIRI SWAMYGAL-AMUDHAMOZHIGAL

2009-04-25T20:04:00.000-07:00

2009-03-24T19:50:00.000-07:00

2009-03-22T08:21:00.000-07:00

ஆற்காட்டார் அறிவிப்பு

2009-03-21T07:14:00.000-07:00

ஆற்காட்டார்: வரலாறு காணாத அளவிற்கு சென்ற ஆண்டு மின்வெட்டினை தமிழகத்தில்

அமல்படுத்திதமிழ் மக்களை மகிழ்ச்சியில் ஆழ்த்திய ஆற்காட்டார் இந்த கோடையில் மின்வெட்டு வராது என்று சென்ற மாதம் அறிவித்தார்

ஆனால் கடந்த சில நாட்களாக நண்பகலிலும்,மாலை வேலைகளிலும் அறிவிக்கப்படாத மின்வெட்டு அமல்படுத்தப்பட்டு வருகிறது.

இதற்க்கு அவரின் பதில் என்னாவாக இருக்கும்?

ஆற்காட்டாரின் அசத்தலான பதில்: இந்த ஆண்டு புதியதாக மின்வெட்டு ஏதும் இருக்காது. சென்ற ஆண்டு அமலில் இருந்த அறிவிக்கப்படாத மின்வெட்டும், அறிவிக்கப்பட்ட மின்வெட்டும் அப்படியே தொடரும் என்று மகிழ்ச்சியோடு தெரிவித்துகொள்ளுகிறேன்

2009-03-21T01:57:00.000-07:00

இன்பமாக வாழ....

2009-03-19T20:43:00.000-07:00

நாம் -உலகம் -இறைவன்
நாம் யார் ?
இந்த உலகம் என்றால் என்ன ?
நமக்கும் இந்த உலகத்திற்கும் இறைவனுக்கும் என்ன சம்பந்தம் ?
இந்த கேள்விகள் மனிதன் சிந்திக்க ஆரம்பித்த காலம் தொடங்கி இன்று வரை அவன் மனதை குடைந்து கொண்டிருக்கிறது

.விடைதெரிந்தவர்கள் சிந்திப்பதை விட்டு விட்டு மௌனமாகிவிட்டார்கள்

சிலர் தங்களுக்கு தெரிந்ததை இறைவனை பற்றி தெரிந்துகொள்ள ஆர்வமுள்ளவர்களுக்கு வெளிப்படுத்தி விட்டு சென்றுள்ளார்கள் .
ஒன்றும் அறியாத பாமரர்களுக்கு காலப்போக்கில் அனுபவம் மூலம் உண்மையை அறிந்துகொள்ள ,சில தத்துவங்களையும் ,வழிபாடுகளையும் , வழிபாட்டு முறைகளையும் ,ஆலயங்களையும் ,ஏற்ப்படுத்தி சென்றுள்ளார்கள் .அவரவர் வாழும் இடத்திர்க்கேர்ப்ப ,கால சூழ்நிலைகளுக்கேர்ப்ப, அவரவர் கல்வி தகுதிக்கேற்ப திக்கேர்ப்ப ,,மனதின் முதிர்சிக்கேர்ப்ப பலவிதமான தியான முறைகளையும் ,வழிபாடு முறைகளையும் ,தத்துவ விளக்கங்களையும் அருளாளர்கள் ஏற்படுத்தி வைத்தார்கள் . அவர்கள் ஏற்ப்படுத்தி தந்த வழிமுறைகளின்படி வாழ்ந்தும் காட்டினார்கள் .

இதைத்தவிர இறைவனே பலமுறை இப்பூவுலகில் அவதரித்து தன்னை அடையும் மார்க்கங்களையும் ,தத்துவ நூல்களையும் அருளி செய்ததுடன் ,சில அவதாரங்களில் தானே நடந்து காட்டியும் ,எவ்வாறு கடைபிடிக்கவேண்டும் என்பதையும் காட்டி சென்றுள்ளான் ,
அவரவர் மன முதிர்ச்சிக்கு ஏற்ப பல வழிகளை கையாண்டுஇறைவனை உணர்ந்து அடைந்தனர் பலர்..

ஆனால் அவர்களின் எண்ணிக்கை விரல் விட்டு எண்ணக்கூடிய அளவிலேயே உள்ளது இறைவனை உணர்ந்துகொள்ள அனேக எளிய வழிகள் இருப்பினும் மக்கள் தங்களுக்கு பொருத்தமில்லாத ,தத்துவங்களை தவறாக புரிந்துகொண்ட குழப்பமான வழிகளைக்காட்டும் மூடர்களின் பாதைகளை தேர்ந்தெடுத்துக்கொண்டு ,தங்கள் அறிவிற்கும் தாங்கள் சார்ந்துள்ள மதத்திற்கும் நம்பிக்கைகளுக்கும் ஒவ்வாத முறைகளை கையாண்டு இவ்வுலகில் இன்ப மயமாக வாழ இறைவன் அளித்த அரிய பிறவியை வீனடிப்பதுடன் அவர்களும் துன்பத்தில் ஆழ்த்து பிறரையும் துன்பத்தில் ஆழ்த்தி வருவதுடன் இவ்வுலகை நரக மயமாகி வருகின்றனர் .என்றால் அது மிகையாகாது .இறைவன் கொடுத்த இந்த இன்ப பிறவியை எவ்வாறு நல்ல முறையில் பயன்படுத்தி நாமும் நாமிருக்கும் உலகில் உள்ள அனைத்து மக்களும் , உயிரினங்களும் இன்ப மாக வாழும் வழியைப்பற்றி தொடர்ந்து சிந்திப்போம் ..

கேள்வியும் பதிலும்-விஜயகாந்த்

2009-03-18T21:04:00.000-07:00

தேசீய திராவிட முன்னேற்ற கழகம் -
தலைவர் பிளஸ் 2 தேர்வு எழுதுகிறார் .

1.தனியாக போட்டியிட போகிறீர்களா ?
2.தனியாக போட்டியிட்டால் எத்தனை தொகுதிகள் போட்டியிடுவீர்கள்?
3.இல்லை கலைஞருடன் கூட்டு சேர்வீர்களா?

4.அப்படியானால் எத்தனை தொகுதி கேட்பீர்கள் ?
5.அது சரிப்படாவிட்டால் அதிமுகவிடம் கூட்டணி வைப்பீர்களா?

அப்படியானால் எத்தனை தொகுதி கேட்பீர்கள் ?
6.இல்லாவிடில் பா .ஜா கவுடன் கூட்டணி வைப்பீர்களா ?

விஜயகாந்த் : ஐயோ . இவ்வளவு கஷ்டமான கேள்விகளாகவே கேட்டுவிட்டார்களே . என்ன செய்ய ?நேரம் வேறு போய்க்கொண்டிருக்கிறது .
இவ்வளவு நாட்களாக தனியேதான் போட்டி போடுவேன் என்று தெரியாமல் சொல்லிவந்தேனே ,இப்போது கூட்டணி வைத்தால் மக்கள் காரி துப்ப மாட்டார்களா ?
மன சாட்சி ; அதெல்லாம் பற்றி கவலைப்படாதே .மக்கள் எல்லாவற்றையும் மறந்துவிடுவார்கள் . தற்ப்போது ஆளும் கட்சியுடன் கூட்டணி வைத்தால் பல பிரச்சினைகளை தீர்த்துக்கொள்ளலாம் .
ஆனால் புரட்சி தலைவி கட்சி ஆட்சிக்கு வந்துவிட்டால் டாப் கழண்டுவிடுமே என்ன செய்வது ?
எனவே எல்லாவற்றையும் சிந்தித்து பார்த்தால்

தனியே போட்டியிடுவதுதான் .சரி

.நமக்கு எவ்வளவு மக்கள் ஆதரவு இருக்கிறதென்று தெரிந்துவிடும்

அதற்கேற்றாற்போல் கட்சியின் கொள்கைகளை மாற்றிகொள்ளலாம் .

UTHAYA SOORIYAN BOOK SHOP

2009-03-18T19:02:00.000-07:00

வள்ளுவரின் வாக்கும் ஓவியமும்

2009-03-17T22:50:00.000-07:00

வள்ளுவரின் வாக்கும் ஓவியமும்

அம்மாவும் வாழும் வள்ளுவரும்

2009-03-17T19:36:00.000-07:00

அம்மாவும் வாழும் வள்ளுவரும்

இதனால் எல்லோருக்கு தெரிவிப்பது என்னவெனில் நாங்கள் தனியாக தேர்தலில் போட்டியிட்டாலும் மத்திய அரசில் CMP அடிப்படையில் ஆட்சி செய்வதைபோல் கீழ்கண்ட பொதுவான கொள்கைகளை கடைபிடித்து வருகிறோம் என்பதை அனைத்து கட்சிகளுக்கும் தொண்டர்களுக்கும் நினைவு படுத்த விரும்புகிறோம்.

ஒன்று:தொண்டர்கள் அனைவரும்,கொடி கட்ட வேண்டும், கூட்டம் சேர்க்க வேண்டும், நிதி வசூலித்து தர வேண்டும், போராட்டங்களில் கலந்துகொண்டு உதை,சிறை உட்பட அனுபவிக்க தயாராக இருக்கவேண்டும்.தேர்தலின் போது கடுமையாக உழைத்து எங்களை ஜெயிக்க வைத்தால் நாங்கள் கோடிகளை குவித்து கொள்ளுவோம். மாறி மாறி ஒருவர் மீது நீதிமன்றத்தில் வழக்குகள் போட்டு அரசு நிதியை காலி . பண்ணுவோம்.நாங்கள் ஆட்சிக்கு வரும்போது எங்கள் மீது போடப்பட்ட அனைத்து வழக்குகளை பொய்யான வழக்குகள் என்று தள்ளிவிடுவோம்.

இரண்டு: நீங்கள் இதை செய்தால் உங்களுக்கு அனைத்தையும் இலவசமாக தருவோம்.தேர்தலின் போது இலவச பிரியாணி பொட்டலம், வோட்டு போட காந்தி படம், வீடு எரின்ச்சுபூனா துட்டு, வீடு இடிஞ்சுபோனா துட்டு,வேயில் காஞ்சா துட்டு, வெள்ளம் வந்தா துட்டு என அள்ளி விடுவோம்.

மேலும் அரசாங்க வேலைகள் அனைத்தையும்

தந்து உங்கள் பிழைப்புக்கு வழி செய்வோம். ஆனால் நீங்கள் மொத்த துட்டையும் டாஸ்மாக் கடையில் அழுதுவிட்டு அப்படியே வம்பு தும்பு எதுவும் செய்யாமல் வீட்டில போய் படுத்துவிட வேண்டும்.

மூன்று. நீங்கள் கொளுத்தும் வெயிலில் போராட்டம் ,உண்ணாவிரதம் முதலியவைகளை நடத்தவேண்டும். ஆனால் நாங்கள் குளு குளு காரில் வந்து கும்பிடு மட்டும் போட்டுவிட்டு போய்விடுவோம்.

நான்கு: எதுக்கும் கணக்கு கேட்கக்கூடாது கேட்டால் என்ன ஆகும் என்று உங்கள் அனைவருக்கும் தெரியும்.

2009-03-17T05:09:00.000-07:00

அமரிக்கன் டூரிஸ்ட் :உங்க தமிழ் நாட்டு அரசியல் தலைவர்களை நினைச்சா எங்களுக்கு ரொம்ப பெருமையா இருக்குது மேன் .

முனியன் : அப்படி என்ன தொரை , பெரிசா கண்டுட்டே

டூரிஸ்ட்: பின்ன என்ன அவங்க எல்லாத்தையும் உங்களுக்கு இலவசமா தராங்க :

முனியன்அதெல்லாம் ஒன்னும் சும்மா அவங்க துட்டுலிருந்து ஒன்னும் தரலை .

டூரிஸ்ட் பின்ன எதுலேந்து தராங்க ?

முனியன் : எல்லாம் அரசாங்க துட்டுதான்டூரிஸ்ட் :

அப்படி இலவசமா நிதி தரத்துக்கு நீங்கஎன்னதான் பண்ணீங்கa?

அதுவா . நாங்ககட்சிக்காக கோடி கணக்கில் நிதிவசூல் பண்ணி கொடுப்போம் . கூட்டம் சேர்ப்போம் அவங்கலைகோடீஸ்வரர்கள் ஆக்க வோட்டு போட்டு தேர்தலில் ஜெயிக்க வைப்போம்டூரிஸ்ட் :

அப்புறம் ?

முனியன் : அவங்க பஸ்ஸை கொளுத்த சொன்னா கொளுத்துவோம் ,இல்லை ஆளுங்களோட கொளுத்துன்னுனாலும் நாங்க அதை செய்வோம் .எதை வேணாலும் உடைப்போம் , யாரை வேணுன்னாலும் அடிப்போம்v .

டூரிஸ்ட் : அப்பா நீங்க ஒன்னும் வேலையே செய்யi மாட்டேங்களா ?

உழைத்து சம்பாதிக்க மாட்டீங்களா?/?அரசுக்கு வரிகிரி கட்ட மாட்டீங்களா?

முனியன் :வரி கிரி ஏதும் கட்ட அதெல்லாம் படிச்ச முட்டா பசங்க பண்றது. அரசு கொடுத்த ஓசி டீவியில் ஹரிகிரி அசெம்பிலீ படம் பார்ப்போம் .அவ்வளவுதான் .

நான் மேலே சொன்ன வேலையெல்லாம் உனக்கு வேலையாக தெரியவில்லையா?

ஏதோ நீ கேட்டேன்னு கொஞ்சம் மட்டேரை அவுத்து வுட்டேன்

டூரிஸ்ட் .கோபிசிக்காதீ ம் ,மேலே சொல்லுமுனியன்:

நாங்க சம்பாதிக்கிற அல்லா துட்டையும் அரசுக்கே கொடுத்துடுவோம் .

டூரிஸ்ட்: .எப்படி?

முனியன் :அரசாங்கம் தொறந்து வைத்திருக்கிற சாராய கடையில் விற்கிற மொத்த சாராய தையும் நாங்களே துட்டு கொடுத்து வாங்கி குடித்து வயிற்றை ரோப்பிக்குவோம் .

டூரிஸ்ட் :பொண்டாட்டி பில்லைங்கே என்ன பண்ணும்?

முனியன் : அந்த கவலையே எங்களுக்கு கிடையாது .பொறந்துலேந்து போற வரைக்கும் அல்லாத்தையும் அரசாங்கம் பாத்துக்கும். அது பூ கூ பழம் காய்கறின்னு வியாபாரம்பண்ணி , வயத்தை கழுவிக்கும் .

டூரிஸ்ட் ; எங்க எங்க நாட்டிலே இது,போல சலுகைகள் எதுவும் கிடையாது

முனியன்: இதை தவிர தேர்தல் நேரத்திலே இலவச வேஷ்டி, சேலை, காந்தி நோட்டு, பட்டை சாராயம், மூக்குத்தி, பிரியாணி பொட்டலம் அது இது ந்ன்னு அல்லாம் கிடைக்கும்

முனியன் : அப்பா எங்க நாட்டிலேயே தங்கிடு . நம்ப கட்சியிலே அடிப்படை உறுப்பினராயிடு . தலைவர் வர போற போது தமிழ் வாழ்க , தானைத்தலைவன் வாழ்க , என்று உரக்க அப்போது கூச்சல் போட்டா போதும்.எங்க கூட கொடி கட்ட போஸ்டர் ஓட்ட கூடமாட உதவி செய். . மத்ததெல்லாம் நான் பாத்துக்கிறேன் . வாக்காளர் அட்டை, ரேஷன் கார்ட்,இலவச மனைபட்டா எல்லாம் நான் வாங்கித்தரேன் ,பொரம்போக்கிலே ரெண்டு பிளாட் மடக்கி போட்டு ஒரு கோடியை நட்டு வைத்தால் போதும்.கொஞ்சம் வருஷம் கழிக்கு நல்ல விலைக்கு தள்ளிவிட்டு லட்சாடிபதியாகிவிடலாம். பிறகு தேர்தலில் நின்று கோடிக்கணக்கில் சம்பாதிக்கலாம். நீ மட்டும் அப்பப்ப நீ பேசற இங்கிலீஷ் கூட ரெண்டு தமிழ் வார்த்தைகளை உட்டுகிநிருந்தா இருந்தா போதும்.

வானமே கூரையாக வாழும் மக்களே

2009-03-13T21:49:00.000-07:00

வானமே கூரையாக வாழ்கின்ற மக்களே
உங்கள் வாழ்க்கைக்கு உத்திரவாதம் யார் ?
ஐந்தாண்டுக்கொரு ஆட்சிகள் மாறும் ;
அரசுகள் என்றும் உங்களைப்பற்றி
அக்கரைப்படபோவதில்லை ;
உங்களுக்கு வாக்குரிமை இல்லாமையால்
கவலைப்படவும் போவதில்லை
உங்களைப்பற்றி எந்நாளும்
உங்களை சுற்றி நின்று வேடிக்கை பார்க்கும்
சமூகமும் உங்களை பற்றி கவலைப்படபோவதில்லை
நான்கு சுவர்ர்களுக்குள் வாழும் மக்களுக்கே
பாதுகாப்பில்லை ;
உங்களுக்கு எது பாதுகாப்பு ?
அது சரி, என்ன இருக்கிறது உங்களிடம்
வைத்து பாதுகாக்க ?
இருக்க வீடு கிடையாது
நடைபாதைகளும் பாழடைந்த கட்டிடம்களும்
மரத்தடிகளும்தான் நீங்கள் வசிக்கும் மாளிகைகள்
உடுக்க நல்ல உடை கிடையாது
குளிக்க குடிக்க சுத்தமான நீர் கிடையாது

உண்ண நல்ல உணவு கிடையாது
நோய் வந்தால் மருத்துவ உதவி கிடையாது
கல்வி அறிவு கிடையாது
எல்லாம் இருந்தும் மகிழ்ச்சியற்று வாழும்

மக்களிடையே நீங்கள் எதுவுமே இல்லாமல்

எப்படி மகிழ்ச்சியோடு வாழ்கிறீர்கள் ?
எங்களுக்கும் கொஞ்சம் சொல்லுங்கள் கேட்டுக்கொள்ளுகிறோம்

உங்கள் கூட்டத்தில் நல்லவர்களும் உண்டு
நய வஞ்சகர்களும் உண்டு
நாணயமானவர்களும் உண்டு
நச்சு பேய்களும் உண்டு ;
வாழ்ந்து கேட்டவர்களும் உண்டு
வாழ துடிப்பவர்களும் உண்டு
வயதானவர்களும் உண்டு
பக்தர் போல் வேடமிட்டு பிச்சை எடுப்போரும் உண்டு
எத்தர்களும் உண்டு ,பித்தர்களும் உண்டு
என்றாலும் நீங்கள் இந்திய குடிமக்கள்
ஒட்டுரிமையில்லாத எங்கும் ஓடவும் முடியாத
சமூக விரோதிகளின் கைப்பாவையாக
சுரண்டப்படும் சமூகம்
இந்நாட்டில் கோடீஸ்வரர்கள் குடித்து கும்மாளமிட
நீங்களோ கால் வயிற்று கூழுக்கு வழியின்றி
வாழ்நாளை தள்ள
வாழ்க சுதந்திரம் .
வாழ்க இந்திய நாடு .
உங்கள் கூட்டம் நாள்தோறும் பெருகிவருவது காலத்தின் கட்டாயம்

பிரிவோம்-விரைவில் சந்திப்போம்

2009-03-11T19:27:00.000-07:00

கவலைப்படாதே சகோதரா நாற்ப்பதும் நமக்குத்தான்

2009-03-11T17:44:00.000-07:00

மகளிர் தினம் சிந்தனைக்கு

2009-03-11T02:56:00.000-07:00

மகளிர் தினத்தில் மாமியார்களின் கொடுமையால் மண்டையை போட்ட மருமகள்களுக்கு அஞ்சலி .

எப்படி இருந்த நாங்க.....

2009-03-10T00:13:00.000-07:00

பார்க்க பார்க்க குளுமையாய்

கொடிகள் படர கொழுகொம்பாய்

மனிதர்களுக்கும்,கால்நடைகளுக்கும் கடும் கோடையில் நிழலாய்

பலவிதமான பூச்சிகளுக்கும், பறவைகளுக்கும் உறைவிடமாய்

அனைத்திற்கும் மேலாய்நீங்கள் வெளியேற்றும் கரிமில வாயுவை

உண்டு நீங்கள் உயிர் வாழ பிராண வாயுவை அளித்து

எங்களுக்கென்று எதையும் வைத்துக்கொள்ளாமல் எங்களையே தியாகம் செய்த எங்களுக்கு

நன்றி கெட்ட நீங்கள் எங்களுக்கு செய்த வெகுமதி என்ன தெரியுமா?

அடுத்த வலைப்பூவில் பாருங்கள் .

எப்படி இருந்த நாங்க இப்படி ஆகிவிட்டோம் பாருங்க!

2009-03-10T00:05:00.000-07:00

சென்ற வலைப்பூவில் பசும் சோலையாக காட்சி தந்த
நாங்கள்தாம் இப்போது இந்த நிலைமைக்கு
வந்துவிட்டோம்
எந்த கொடுமையை செய்தது யார் தெரியுமா?
வேறு யாருமில்லை நீங்கள்தான்
உங்களை போன்ற நன்றி கெட்ட மனிதர்கள்தான்.
எங்களை அழித்துவிட்டு நீங்கள் மட்டும்
சுகமாக வாழமுடியும் என்று நினைக்கிறீர்களா?
நிச்சயம் முடியாது.

குறையை சுட்டி காட்டுவது என்பது நாய் குரைத்தல் போல் இருக்கக்கூடாது

2009-03-01T19:37:00.000-08:00

பிறரை குறை கூறி கொண்டு இருப்பவர்கள் கண்களுக்கு
தங்களிடம் உள்ள குறைகள் என்றும் புலப்படாது
பிறரை எப்போதும் குறை கூறுபவர்கள் வாழ்வில் என்றும்
புறப்பட்ட இடத்திலேயேதான் இருப்பார்கள்
பிறரை குறை கூறுபவர்கள் தங்கள் வாழ்வில் மற்றவர்களின்
வெறுப்பையும் விரோதத்தையும் சம்பாதிப்பதை தவிர
வேறொன்றும் அடையப்போவதில்லை
பிறரிடம் உள்ள நிறைகளை மட்டும் கண்டு
அவர்களை பாராட்டி பேசுபவன் நிறைய
நண்பர்களை சம்பாதித்துகொள்கிறான்
வெற்றிகளை குவிக்கின்றான்
குறைகள் இல்லாத மனிதர்களே இவ்வுலகில் இல்லை
குறைகளை சுட்டி காட்டுவதில் தவறில்லை
அதெற்கென சில வழிமுறைகள் உண்டு
பல பேர் முன்னிலையில் அதை செய்யக்கூடாது
கடுமையான் வார்த்தைகளை உபயோகிக்கக்கூடாது
பிறரிடம் சுட்டி காட்டும் குறை
தன்னிடத்தில் இருக்கக்கூடாது.
இதை அனைவரும் கடைப்பிடித்தால்
வாழ்க்கை இனிப்பதற்கு தடையேது.

காக்கி சட்டையும் கருப்பு அங்கியும்

2009-02-23T06:35:00.000-08:00

கடந்த சில காலமாக காக்கி சட்டையும்
கருப்பு அங்கியும் கை கலப்பில் ஈடு பட்டு
காயப்பட்டு நிற்கின்றன.
காசை இவர்களிடம் தொலைத்துவிட்டு
மக்கள் ரத்த கண்ணீர்
வடித்துக்கொண்டிருக்கின்றனர்
இவர்கள் நடத்தும் யுத்தத்தில் அப்பாவி மக்கள்
அல்லல்பட்டு கொண்டிருக்கின்றனர்
இவர்கள் மெத்த படித்தவர்கள்
சட்டம் தெரிந்தவர்கள்
இருவர் வாதத்தையும் கேட்டு
தீர்ப்பு வழங்கும் நீதிபதிகள் யார் பக்கம்
நியாயம் உள்ளது என்பது குறித்து கருத்து
சொல்ல முடியாமல் தவிக்கின்றனர்
அரசு செய்வதறியாமல் குழம்பி போய் உள்ளது
இந்த பிரச்சினை விரைவில் தீர்ந்தால்
அனைவருக்கும் நல்லது.
.

அவ்வையாரும் லாண்டரியாரும்

2009-02-16T05:36:00.000-08:00

அவ்வையார்: கந்தையானாலும் கசக்கி கட்டு

லாண்டரியார்: அழுக்கு துணியானாலும் அயர்ன் பண்ணி போடு

பழமொழி: கைப்புண்ணுக்கு கண்ணாடி எதற்கு?
புதுமொழி: கண் தெரியாவிட்டாலும் கருப்பு கண்ணாடி போடு

பழமொழி: கற்கை நன்றே ,கற்கை நன்றே பிச்சை புகினும்
கற்கை நன்றே

புதுமொழி: கற்கை நன்றே கற்கை நன்றே வங்கியில் கடன்
வாங்கியாவது கற்கை நன்றே .

கடலும் கதிரவனும்

2009-02-11T07:13:00.000-08:00

கதிரவன் அழைத்தான் என்று
கடல் நீர் துளிகள் நீர்ஆவியாய் மாறி
மேலே சென்று மேகமாய் மாறியது
வானில் சென்றவுடன் வானம் சொன்னது
நீ இன்னும் மேலே சென்றால் காணாமல்
போய்விடுவாய் என்றது
இதை கேட்ட மேகத்தின் உள்ளம்
சோகத்தால் கருத்தது
அப்போது அங்கு வந்த காற்றோ
மேகத்தை பார்த்து ஏன் என்
வழியில் நிற்கிறாய் ,வழிவிடு என்றது
இனிமேல் நீ கடலுக்கு திரும்ப முடியாது
என்னுடன் வா என்றது
காற்றுடனே மேகம் சென்றது
வழியில் உயர்ந்த மலைகள் தடுத்தது

அதன் மீது மோதிய மேகம்
நம் கதி இப்படி ஆகிவிட்டதே என்று
அழ தொடங்கியது
உடனே பூமியில் உள்ள உயிர்கள்
மழை பெய்கிறது
இனி நாம் மகிழ்ச்சியாக வாழலாம் என்றன
முழுவதுமாக கரைந்து போன மேகம்
நிலத்தில் ஆறாக ஓடியது
அனைவருக்கும் பலவிதமான
நன்மைகளை அளித்துவிட்டு
திருப்தியுடன் மீண்டும் கடலில்
சென்று கலந்தது .

மேற்கண்ட கதையிலிருந்து என்ன புரிகிறது ?
கடல் நீர் என்பது உயிர்களாகிய நாம்
கடல்நீர் ஆவியாக மாறுவதைபோல்
நாமும் நாம் உடல் என்ற நினைவிலிருந்து
ஆன்மா என்ற உண்மையை உணர்ந்தால்தான்
கடவுளின் காட்சியை காணமுடியும்
கண்ணெதிரே இருக்கும் கடவுளை நோக்கி
செல்ல முடியும்
ஆனால் கடவுளுக்கு அருகில் நெருங்க
வேண்டுமென்றால்
கதிரவனின் வெப்பத்தால் நீராவி என்ற
அந்த நிலையையும் இழந்து நீர் காணாமல்
போவதைபோல் ஜீவான்மா ஆகிய நாம்
பரமான்மா ஆகிய இறைவனுடன்
ஒன்றாக கலந்துவிடுவோம் .

உடனடி கவனத்திற்கு

2009-01-29T03:45:00.000-08:00

நேற்றைய நினைவுகளிலும்
நாளைய கனவுகளிலும் மூழ்கி இருப்பவர்கள்
இன்றைய நாளின் வாய்ப்புகளை இழந்து விடுகிறார்கள்.
அடுத்த நாளிலும் நேற்று கிடைத்த வாய்ப்பை
வீணாக்கிவிட்டோமே என்ற கவலையில்
அந்த நாளையும் இழப்பவர்களே
இன்று உலகில் அதிகம்.
காலையில் கண் விழித்த நிமிடத்திலிருந்து
இரவு உறங்க செல்லும் வரை
ஒவ்வொரு கணத்தையும்
வீணாக்காமல் திறமையாக பயன்படுத்துபவனே
வெற்றியில் படிக்கட்டில் ஏறிக்கொண்டே இருக்கிறான்
.நீங்கள் யார் என்பதை
நீங்களே முடிவு செய்து கொள்ளுங்கள்.

போகி சிந்தனைகள்

2009-01-13T08:06:00.000-08:00

போகி சிந்தனைகள் அனைவரும் போற்றும்படியான வாழ்வு வாழவும் அனைவருக்கும் அனைத்துவிதமான வளங்களும் கிடைத்து மகிழவும் ஏற்பட்ட போகி பண்டிகை இன்று அனைத்து மக்களுக்கும் பாதிப்பை ஏற்படுத்தும் மாபாதக செயலை செய்து வரும் செயலாகிவிட்டது என்பது வேதனைக்குரியது .பழையன கழிதலும் புதியன புகுதலும் என்ற சொல் வழக்கிற்க்கொப்ப வீட்டில் பழைய பயன்படுத்துவதற்கு உதவாத பொருட்களை போகியன்று தீயிட்டு எரிப்பது தொன்றுதொட்டு நம் நாட்டில் இருந்து வரும் பழக்கம் அந்த காலத்தில் செயற்கை பொருட்கள் இல்லாமையால் சூழ்நிலைக்கு மாசு ஏற்படாமல் இருந்து வந்தது .ஆனால் இன்றோ நவீன கால அரக்கர்களான பிளாஸ்டிக் ,மறு சுழற்சி செய்ய முடியாத தற்கால அவதாரங்களான பிளாஸ்டிக் பைகள் ,பொம்மைகள் ,பழுதடைந்த செல் போன்கள் ,கம்ப்யூட்டர் பாகங்கள் ,பல்வேறு நச்சு பொருட்களாலான ரசாயனங்களை கொண்ட காலி பாட்டில்கள் ,டயர்கள் ,,குடிநீர் மட்டும் குளிர்பான பாட்டில்கள் பிளாஸ்டிக் பாய்கள் என நீண்டு கொண்டு போகும் பட்டியல்களில் உள்ள பொருட்களை போட்டு அதிகாலையில் எரித்து அதனால் எழும் பலவிதமான நச்சு புகை மண்டலம் தமிழ்நாடு முழுவதும் பனி மூட்டம் காரணமாக எங்கும் செல்லாமல் கூரை போல் கவிந்து அனைத்து மக்களுக்கும் கண் ,தோல் ,மற்றும் சுவாச பைகளில் நச்சு காற்றை நிரப்பி நோய்களையும் , துன்பத்தையும் உண்டாக்கும் இந்த அறிவீன செயல்களை செய்யும் தன்னை அறிவுடையவர்களாக நினைத்துகொள்ளும் மனிதர்களை என்னவென்று சொல்வது ?. ஊடகங்கள் மூலமும், , சமூக ஆர்வலர்கள் எவ்வளவு இந்த தீமைகள் குறித்து பிரச்சாரம் செய்தாலும் , அரசுகள் அபராதம் விதித்தாலும் மக்கள் இன்னும் விழிப்புணர்வு கொள்ளாதிருப்பது வேதனைக்குரியது .அறிவு அற்றம் காக்கும் கருவி என்பார் ஆனால் இந்த மக்களுக்கு அறிவு சுற்றம் கெடுக்கும் கருவியாக அமைந்திருப்பது விந்தையாக உள்ளது .இந்த போகி கீழ்காணும் சிந்தனைகளை அனைவரும் வளர்த்துகொண்டால் எதிர் காலத்திலாவது வீடும் நாடும் நன்றாக இருக்கும் ,இறைவன் அந்த எண்ணத்தை மக்களுடைய உள்ளத்தில் தூண்டட்டும்
போகட்டும் கீழ்த்தரமான சிந்தனைகள்
போகட்டும் கிறுக்கு புத்தி
போகட்டும் கீழோரை வெறுக்கும் போக்கு
போகட்டும் கிளர்ந்தேழா மந்த தன்மை
போகட்டும் கீழோர் மேலோர் பாகுபாடு
போகட்டும் கிறக்கம் தரும் போதை பழக்கம்
போகட்டும் கிழ பருவ தாழ்வு மனப்பான்மை
போகட்டும் கீழே தள்ளும் அகந்தை குணம்
போகட்டும் கிழ் மட்டத்தில் உள்ளோரை கொடுமை செய்யும் குணம்
போகட்டும் கிழ் நிலை மக்களை இழிவு செய்யும் போக்கு
போகட்டும் கிலேசத்தை தூண்டும் பேச்சுக்கள்
எங்கெங்கும் காணினும் சக்தியடா என்றான் பாரதி
ஆனால் இன்றோ எங்கெங்கும் காணினும் குப்பையடா
என்று முகம் சுளிக்க வைக்கும் நிலைக்கு அனைவருமே பொறுப்பு
வீட்டின் முன்பு தண்ணீர் தெளித்து அழகான கோலமிட்டு ஹாப்பி பொங்கல்
என்று கோல மாவில் பலவித நிறங்களில் வைத்துவிட்டால் போதும் என்று
நினைக்கும் மக்கள் வீட்டில் எதிரிலும் பக்கத்திலும் குப்பைகளை
அப்படியே சேமித்து வைத்து அழகு பார்க்கும் தன்மை எப்போது நீங்கும் என்பது உணர்வுடையோர் கேட்கும் கேள்வி
வீட்டில் உள்ள குப்பைகளை வீதியில் கொட்டி
சுற்றுபுறத்தை பாழ்படுத்துவோரைபோல்
அனேக எழுத்தாளர்களும் , இயக்குனர்களும் ஆபாசத்தையும்
வன்முறைகளையும் தீய சிந்தனைகளையும் எழுத்திலும் ,
திரைப்படங்களிலும் பரப்பி மக்களின் உள்ளங்களையும்
பாழ்படுத்திவிட்டு பிறகு உலகம் கெட்டுவிட்டது என்று
எல்லோருடனும் சேர்ந்து புலம்புவதை என்னவென்று சொல்வது ?
உள்ளம் சுத்தமானால் உடல் சுத்தமாகும் ,
உலகமும் சுத்தமாக ஆகும்
.தயவு செய்து யாராவது சுத்தம் செய்ய வருவார்கள்
என்று சோம்பி இருக்காதீர்கள் .
அவ்வாறு நினைத்தால் குப்பைகளுடனேதான் இவ்வுலகத்தை
விட்டு நீங்கி மீண்டும் சேர்த்து வைத்த
குப்பையில்தான் பிறக்க நேரிடும் ..

BE A KING FISH (ER) AND NOT A SELFISH

2009-01-08T03:59:00.000-08:00

புத்தாண்டு சிந்தனைகள்-2009

2008-12-31T20:34:00.000-08:00

புத்தாண்டு பிறப்பென்றால் அனைவருக்கும் நினைவுக்கு வருவது
வாழ்த்துக்களை பரிமாறிகொள்வதும், ஆலயங்களுக்கு சென்று வழிபடுவதும் ,
செல்வ செழிப்பில் மிதப்பவர்கள் விடுதிகளுக்கு சென்று குடித்து கூத்தடித்து கும்மாளமிடுதலும்,
வீட்டில் நன்றாக இயங்கும் பொருட்களை
தள்ளுபடி மோசடியில் மயங்கி தள்ளிவிட்டு
புதிய பொருட்களை அதன் இலவசங்களுடன்
வீட்டில் வாங்கி அடுக்கி வருவதும்தான்
சமீப காலமாக நம் நாட்டில் வருடந்தோறும்
நடைபெற்றுவரும் சடங்கு .
ஒரு சிலர் வித்தியாசமாக மனநல காப்பகம்,
ஆதரவற்றோர் ,முதியோர் நல விடுதிகள் ,மருத்துவமனைகள்
போன்றவற்றிற்கு சென்று அங்குள்ளோருக்கு இனிப்புகள்,
உதவிகள் வழங்கி புத்தாண்டை கொண்டாடுவதும் உண்டு.
ஆனால் உண்மையில் புத்தாண்டு என்று ஒன்றும் கிடையாது.
ஒவ்வொரு நாளும் ஒரு புதிய வாழ்க்கை தொடங்குகிறது
என்றான் மகாகவி பாரதி.
மேலும் அவன் இனி ஒரு விதி செய்வோம்
அதை எந்த நாளும் காப்போம் என்றான்.
எனவே ஒவ்வொரு மனிதனும் புத்தாண்டு தொடக்கம் அன்று
மேற்கண்ட சடங்குகளை முடித்தவுடன் சில தீர்மானங்களை
மனதில் நிறுத்தி அவைகளை இந்த ஆண்டில்
எப்பாடு பட்டாவது நிறைவேற்றி தீரவேண்டும் என்ற
உறுதியை கைகொள்ளுவார்கள் என்றால்
அது அவர்களின் வாழ்வில் வெற்றியையும்
உண்மையான மகிழ்ச்சியையும் அளிக்கும்
என்பதில் ஐயமில்லை .
கடந்த ஆண்டில் துவக்க நினைத்து
நிறைவேறாத பணிகளை நடைபெறும் ஆண்டில் முடிக்கவும்,
புதியதாக பணிகளை துவக்கவும்,
தன்னிடம் உள்ள விரும்பத்தகாத ,
முன்னேற்றத்திற்கு தடையாக இருந்த
தீய குணங்களை விட்டொழிக்கவும்,
எதிர்மறையான சிந்தனைகளை அகற்றி
நேர்மறையான சிந்தனைகள் மனதில் வளர்த்துக்கொள்ளவும் ,
வாழ்க்கையில் ஒரு ஒழுங்கு முறையை கொண்டுவர செய்வது ,
அனைவரிடமும் நட்பாக பழகுவது போன்ற
பல நல்ல தீர்மானங்களை கைக்கொள்ள
உறுதி மேற்கொள்வதுதான் புத்தாண்டு தினத்தில்
முக்கியமாக செய்யவேண்டியது
அவ்வாறு செய்தால் கோள்கள் நிலை எப்படி இருப்பினும்
நம்வாழ்க்கை வெற்றியை நோக்கி பயணம் செய்யும்
என்பதில் ஐயமில்லை.

கோபம் ஏன் வருகிறது?

2008-11-28T17:19:00.000-08:00

கோபம் ஏன் வருகிறது?
பிறர் நம்முடைய எண்ணங்களுக்கு.செயல்களுக்கு
தடையாக வரும்போது.
அதற்க்கு ஏன் நாம் அவர்களிடம் கோபப்படவேண்டும்?
ஒன்று தடையை நீக்க முயற்சி செய்யவேண்டும் அல்லது
அவர்களுக்கு நம் எண்ணத்தை புரியவைத்து
அவர்கள் நமக்கு இடையூறு செய்யாமல்
இருக்க செய்ய வேண்டும்
ஆனால் உலகில் என்ன நடக்கிறது?
இந்த இரண்டும் பெரும்பாலானோர் செய்வதில்லை
குறுக்கே வருபவர்களிடம் கோபம் கொண்டு
அவார்களின்சக்தி முழுவதையும் வீணடித்து
அவர்களின் குறிக்கோளையே மறந்து பலவிதமான
சிக்கல்களில் மாட்டிகொள்கிறார்கள்
பிறர் நம் எண்ணங்களை எதிர்ப்பதற்கு என்ன காரணம்?
ஒன்று அந்த எண்ணம் அவருக்கு எதிரானதாக இருக்கலாம் அல்லது
பொறாமையின் வெளிப்பாடாக கூட இருக்கலாம்
நம் எண்ணம் சுயநலமற்றதாக இருந்தால் அந்த எதிர்ப்பை பற்றி
பொருட்படுத்த தேவையில்லை.எனினும் அவருக்கு நம்
நோக்கத்தை புரியவைத்து அவரையும் நம்மோடு சேர்த்துக்கொண்டு
குறிக்கோளை அடைய முயற்சி செய்பவர்களே பாராட்டுக்குரியவர்கள்

மரணத்தை குறித்து வருந்தாதீர்கள்

2008-11-19T05:52:00.000-08:00

மரணத்தை குறித்து வருந்தாதீர்கள். அது இறைவன் உயிர்களுக்கு இந்த சம்சார

பந்தத்திலிருந்து விடுதலை அளிக்கும் பரிசாகும்.வினையினால் வந்த இவ்வுடம்பு வினை தீர்ந்தவுடன் பூமியில் விழுந்துவிடும். எனவே இறப்பவர்களுக்காக அழாதீர்கள்.-

ரெட்டியபட்டி ஸ்வாமிகள்.

மனம் மாறுங்கள்

2008-10-21T19:01:00.000-07:00

மனிதர்களே மதம் மாறி பயனில்லை.
மனம் மாறுங்கள்
ஒரு மனிதன் பாடுபட்டு ஒரு அழகான சிலையை செதுக்கி,உருவாக்கி ,பார்த்து ரசித்து மகிழ்கிறான்.அவனை போன்றே ஒத்த கருத்துடைய கலையை ஆர்வத்தோடு ரசிக்கக்கூடிய பக்குவமுடைய மனிதர்கள் சிலையை பார்த்து மகிழ்ச்சி அடைகிறார்கள்.ஏனென்றால் ரசிப்பது ஒரு கலை.மனதில் விருப்பு வெறுப்பு அற்றவர்களால் மட்டுமே கலைகளை ரசிக்க முடியும்.
ஆனால் மற்றொரு மனிதன் பாடுபட்டு வடித்த சிலையை கண நேரத்தில் உடைத்து நொறுக்குகிரானே அது ஏன்?.
அதுதான் குறுகிய கண்ணோட்டம்.அந்த எண்ணம் இருந்தால் அவர்களும் நன்றாக இருக்க மாட்டார்கள் மற்றவர்களையும் நன்றாக இருக்க விடமாட்டார்கள்.
இந்த குறுகிய கண்ணோட்டம் மதவாதிகளுக்கு அபரிமிதமாகவே இருக்கிறது.
கலை மதங்களுக்கு அப்பாற்பட்டது.
அதை ரசிக்க மதம் தேவையில்லை
நல்ல மனம் இருந்தால் போதும்.
இந்த உலகத்தில் மதத்தின் பெயரால் பல்லாயிரம் ஆண்டுகளாக
பல போர்கள் நடந்து பல்லாயிரகணக்கான மக்கள் மாண்ட
பின்னரும் அந்த தீ அணையவில்லை.சுயநலம் கொண்ட,மதவெறி பிடித்த தனி மனிதர்கள் இணைந்த ஒரு சிறு கூட்டம் பெரும்பாலான அமைதியை விரும்பும் மக்களை மூளை சலவை செய்தும், மிரட்டியும், ஆசை காட்டியும்,துன்புறுத்தியும் தங்களின் வக்கிர ஆசைகளை நிறைவேற்றி கொழுத்துக்கொண்டு சுக போக வாழ்வில் திளைத்து கொண்டிருக்கின்றன. கடவுளையே பார்த்தறியாத இந்த அயோக்கியர்கள் இவர்கள், கடவுளின் உண்மை தன்மையை உணர்ந்தறியாத இவர்கள் கடவுளை பற்றி அப்பாவி மக்களுக்கும்,பாமரர்களுக்கும், படித்தவர்களுக்கும் அவர் இப்படி சொன்னார்.இவர் இப்படி வேத புத்தகங்களில் எழுதி வைத்துள்ளார் என்றெல்லாம் கதை விட்டுக்கொண்டு சுக போக வழக்கை வாழ்ந்து கொண்டுவருகின்றனர்.இதற்க்கு எந்த மதமும் விதிவிலக்கல்ல.கடவுள் இல்லை என்று பிரச்சாரம் செய்பவர்களும் கடவுளை நம்புபவர்களை எதிர்ப்பது மட்டுந்தான் தங்கள் கொள்கை என்ற போக்கில் அவர்களுடன் மோதிக்கொண்டு காலத்தை போக்குகின்றனர். இந்த இரு கோஷ்டிகளுக்கு மத்தியில் மனிதர்கள் மாட்டிக்கொண்டு உண்மை நிலையை உணர முடியாமல் தவித்துகொண்டிருக்கின்றனர்..இவர்கள் மற்றவர்களுக்கு போதிப்பது எளிமை,அன்பு,பக்தி. ஆனால் இவர்கள் சுக போகத்தில் வாழ்வது ஊராரில் உழைப்பில் அட்டை போல் உறிஞ்சி வாழும் அற்ப பதர்கள்.உதட்டளவில் உதிர்ப்பது அன்பு. உள்ளத்தளவில் உள்ளது ஒருவருக்கொருவர் மீது பொங்கி எரியும் மதவெறி,
பேசுவது பிறப்பால் அனைவரும் ஒன்று, அனைவரும், ஆண்டவனுடைய பிள்ளைகள்,அனைவரும் சகோதரர்கள்,ஆண்டவனின் முன் அனைவரும் சமம்
ஆனால் உலகில் நடப்பது என்ன என்று அனைவருக்கும் தெரியும்
இவைகளை எல்லாம் மாற்றக்கூடிய ஒரே மந்திரம்
அன்பு ஒன்றுதான்
அது உலகம் முழுவதும் அனைவரின் மனங்களிலும் புகுந்து கொண்டு இவ்வுலகை இன்ப மயமாக்கும் நாளை நம்மையெல்லாம் படைத்த இறைவன் உருவாக்குவாராக

BHARATHIYIN CHINTHANAIGAL

2008-10-21T09:00:00.000-07:00

MAHAKAVI BHARATHIYIN PARVAIYIL

2008-10-21T02:24:00.000-07:00

MINAAS KORNER

2008-10-19T20:07:00.000-07:00

kadavulai vaitthu pizhaippu

2008-10-09T19:14:00.000-07:00

காகங்கள் உணர்த்தும் பாடம்

2008-10-09T10:22:00.000-07:00

இந்த இரண்டு காகங்களும் உணர்த்தும் கருத்து என்ன?
ஒரு காகம் வானத்தை பார்த்துக்கொண்டிருக்கிறது
ஒரு காகம் தரையை பார்த்துக்கொண்டிருக்கிறது
இரு நபர்கள் சிறையில் அடைக்கப்பட்டனர்.
அவர்களில் ஒருவன் சிறை கம்பிகளின் வழியாக
முதல் காகத்தை போல் வானத்தை பார்த்துகொண்டிருந்தான்.
ஆஹா இந்த வானம் எவ்வளவு அழகாக இருக்கிறது.
இந்த நட்சத்திரங்கள் எவ்வளவு அழகாக
ஒளி வீசி கொண்டிருக்கின்றன.
இந்த இரவு எவ்வளவு அமைதியாக இருக்கிறது
என்று ரசித்து கொண்டிருந்தான்.
மேலும் மாபெரும் தலைவர்கள் நம் நாட்டிற்காக
சிறை சென்றதும் பல தியாகங்கள் புரிந்ததும்
அவன் நினைவிற்கு வந்தது.
அவன் தான் சிறையில் இருப்பதை பற்றி கவலைப்படவில்லை.
ஆனால் மற்றொருவனோ இரண்டாவது காகத்தை போல்
தரையை பார்த்துகொண்டிருந்தான்.
அவன் மனதிலோ தான் சிறைக்கு வந்துவிட்டோமே
தன் குடும்பம் என்ன ஆகுமோ,
தன் வாழ்க்கையோ இந்த சிறையிலேயே முடிந்து விடுமோ,
இனிமேல் தனக்கு எதிர்காலமே இல்லையோ
என்றெல்லாம் கவலைப்பட்டு கொண்டு
அமைதிஇல்லாமல் தவித்து கொண்டிருந்தான்
இருவரும் சிறையிலும் அடைக்கபட்டிருந்தாலும்
ஒவ்வொருவரின் மனநிலையில் வேறு வேறு சிந்தனைகள்.
ஒன்று நேர்மறை சிந்தனை மற்றொன்று எதிர்மறை சிந்தனை.
எங்கிருந்தாலும்,எந்த நிலைக்கு வந்தாலும்
நம் நம்பிக்கையை தளரவிடக்கூடாது.
வாழ்வில் ஏற்படும் மாற்றங்களை ஏற்றுக்கொள்ள
மனதை பழக்க வேண்டும்
அப்போதுதான் தோல்விகளையும் வெற்றி படிக்கட்டுகளாக
மாற்ற முடியும் நீங்கள் எப்படி?நீங்கள்தான் முடிவு செய்ய வேண்டும்

2008-10-09T09:34:00.000-07:00

SIVAPPAYEE-KARUPPAYE

2008-10-08T07:21:00.000-07:00

கருப்பாயீ: பெரியாரை ஆத்திகர்கள் ஏன் எதிர்க்கிறார்கள்?
சிவப்பாயி :அவர் ஆத்திகர்கள் காரணமே தெரியாமல் கடைப்பிடிக்கும் நம்பிக்கைகளை எதிர்த்து மட்டுமல்லாமல் மற்ற மக்களையும் பயமுறுத்தி அவர்கள் கட்டுப்பாட்டில் வைத்ததையும் எதிர்த்தார்.கடவுளின் பெயரால் அப்பாவி மக்களுக்கு இழைக்கப்பட்டு வந்த கொடுமைகளையும் எதிர்த்தார்.அதனால் மக்கள் தெளிவு பெற்று சுதந்திர காற்றை சுவாசிக்க தொடங்கினார்கள். பன்னெடுங்காலமாக எந்த எதிர்ப்பும் இல்லாமல் பிறரை சுரண்டி வந்த கூட்டத்தினர்தான் அவரை எதிர்த்தனர். பாமர மக்கள் மற்றும் சராசரி மனிதர்கள் அவரை எதிர்த்து எந்த பிரச்சினையும் செய்தது கிடையாது.மக்களை திசை திருப்பவே அவர் கடவுளுக்கு எதிரானவர் என்று பிரச்சாரம் செய்தார்கள் ஆனால் அது எடுபடாமல் பாதிக்கப்பட்ட மக்கள் கொஞ்சம் கொஞ்சமாக தெளிவு பெற்றார்கள்.
கருப்பாயீ:அது சரி. அவர் கடவுளை வணங்குபவன் முட்டாள் என்று சொல்லியிருக்கிறாரே?அது மட்டும் சரியா?

சிவப்பாயீ: அவர் சொல்லியது ஒரு வகையில் முற்றிலும் சரி.

கருப்பாயீ: எப்படி.?

சிவப்பாயீ:ஆதி சங்கரர் என்ன சொல்லியிருக்கிறார். அஹம் பிரம்மாஸ்மி.அதன் பொருள் என்ன? நானே பிரம்மம் அந்த கொள்கைப்படி எல்லோரும் ப்ரம்மம்கள். அதாவது கடவுள்கள். அப்படி இருக்கும்போது சிலைகளை வைத்து ஏன் கடவுள் என்று தனியாக வணங்கவேண்டும் ? மனிதர்கள் ஒருவருக்கொருவர் சரிசமமாக இருப்பதால் ஒருவருக்கொருவர் வணக்கம் சொல்லிக்கொண்டு அன்போடு உதவிகொண்டு வாழலாமே.உருவங்கள் வேறேயோழிய உள்ள இருக்கும் ஆத்மா ஒன்றுதானே .அதையும் ஆதிசங்கரர் சொல்லியிருக்கிறார். ஆனால் அவ்வாறு செய்யாமல் கடவுள் என்று சிலைகளை நிறுவி மனிதர்கள் செய்வதைபோல் எல்லாவற்றையும் அந்த சிலைகளுக்கு பூஜை செய்ய வேண்டும் ?எதற்கு கோயில் கதவுகளை பூட்ட வேண்டும்?கடவுளுக்கு தன்னைத்தானே காப்பாற்றிக்கொள்ள தெரியாதா? ஆம் வைக்கும் பொருட்களை உண்ணாத கடவுளுக்கு ஏன் படைக்கவேண்டும்? மனிதர்கள் பட்டினியால் வாடும்போது அதை நீக்க வழி செய்யாமால் இருப்பது சரியா என்ற கேள்விகளை எழுப்பினார். எனவே கடவுளை மற மனிதனை நினை. என்றெல்லாம் அவர் காரசாரமாக கருத்துகளை தெரிவித்தார்.

சிவவாக்கியர் என்ன சொல்லியிருக்கிறார். நட்ட கல்லும் பேசுமோ? நாதன் உள்ளிருக்கையில் என்று. தொண்டரடிபொடி ஆழ்வார் இறைவனை மாசற்றார் மனதுள்ளானை என்றுதானே.

திருமூலர் திருமந்திரத்தில் என்ன சொல்லியிருக்கிறார்

ஊனுக்கும் ஈசன் ஒளிந்திருந்தானே என்று.

கடவுள் என்ற பெயரால் நடந்துவந்த ஒழுங்கீனங்களை அவர் கடுமையாக சாடினார்.என்பதே உண்மை.

இப்போதும் அவர் கொள்கைகளை சரியாக புரிந்துகொள்ளாமல் பலரும் அவரை எதிக்கின்றனர். கடவுளின் உண்மைத்தன்மை வேறு.

அதை உணர்ந்துகொள்ளும் வழிகளும் ஏராளம்.

பாரதி அறிவே தெய்வம் என்றான்.

அறிவிற்கு ஒவ்வாதவற்றை ஏற்று கொள்ளாதீர்கள் என்று பெரியார் வலியுறுத்தினார்.. .

உபநிடதங்களும் எதையும் ஆராய்ந்து பார்க்காமல் அப்படியே ஏற்று கொள்ளாதீர்கள் என்றுதான் சொல்கிறது.

எந்த வழி நல்ல வழி என்பதை அவரவர் அறிவிற்கும் மன முதிர்ச்சிக்கும் ஏற்ற வகையில் தேர்ந்தெடுத்து உண்மையை உணர்ந்துகொள்ள முற்படவேண்டும்.

பிறப்பொக்கும் எல்லா உயிர்க்கும் என்றார் திருவள்ளுவர்.

அப்படியிருக்க கடவுளின் சன்னதியில் உயர்ந்தவர் தாழ்ந்தவர் என்று பாகுபாடு காட்டுவதை கடவுளே ஏற்றுகொண்டது கிடையாது.என்பதற்கு பல சான்றுகள் எல்லா மத நூல்களிலும் இருக்கின்றன.

அதைநடைமுறைபடுத்தினால் எந்த பிரச்சினைகளும் இருக்காது.மக்களிடையே பாகுபாடு வராது.

ஆனால் இன்னும் ஒருவரை ஒருவர் புரிந்துகொள்ளாமல் தேவையில்லாமல் வெறுப்பையும் விரோதத்தையும் வளர்த்துகொண்டுவருகின்றனர் என்பதுதான் கசப்பான உண்மை.

ஆத்திகர்கள் அவர்கள் வழியில் செல்லட்டும்,இறைவன் சன்னதிக்கு எந்த வேறுபாடுகளுமின்றி.

நாத்திகர்கள் அவர்களின் சிந்தனைகளை மக்களுக்கு அமைதியான வழியில் யார் மனமும் புண்படாத வகையில் பிராச்சாரம் செய்துகொள்ளட்டும்.
அதுவே அமைதிக்கு வழி.

2008-10-08T06:19:00.000-07:00

சிவப்பாயீ:மக்கள் எதையும் ஆராய்ந்து பார்க்காமல்
அப்படியே கண்ணை மூடிக்கொண்டு ஏற்றுக்கொண்டு
பிறகு அல்லபடுகிறார்களே.அது ஏன்?

கருப்பாயீ:இதில் படித்தவன்,படிக்காதவன் என்று வேறுபாடுகளே கிடையாது என்பதுதான் கொடுமை.

சிவப்பாயீ:இந்த கூட்டத்தில் நாத்திகர்களும் உண்டு,ஆத்திகர்களும் உண்டு.

கருப்பாயீ:அவர்களுக்கு என்ன பெயர். ?

சிவப்பாயீ: அவர்கள் ஆத்திகர்கள் என்றால் சீடர்கள் என்று பெயர்
நாத்திகர்கள் என்றால் மூடர்கள் என்று பெயர்.

MAINAAS CORNER

2008-10-08T05:46:00.000-07:00

மைனா: என்ன குருவி ரொம்ப நாளா காணோம்.
குருவி: ஒண்ணும் இல்லை

மைனா: என்ன டல்லா இருக்கிறே?

குருவி: எனக்கு ஒண்ணும் இல்லப்பா

மைனா:சும்மா சொல்லு. மனதில் இருப்பதை வெளியில் சொன்னாதானே பாரம் இறங்கும்;
குருவி: நான் குடியிருக்கேனே அந்த வீட்டுக்காரருக்குத்தான் பிரச்சினை.

மைனா: அவர் ரொம்ப நல்ல மனிதராயிற்றே

குருவி:இந்த காலத்தில் நல்ல மனிதர்களுக்குத்தான் மற்றவர்களால் எப்போதும் தொல்லை வருகிறதே

மைனா:அவர்தான் யார் வம்புக்கும் போகமாட்டார்.வம்பு பண்றவங்களையும் போனால் போகட்டும் என்று விட்டுவிடுவார்.எனக்கு நன்றாக தெரியுமே.அது சரி அவருக்கு யாரால் பிரச்சினை?

குருவி: வேறு யாரு அமரிக்காகாரனா பிரச்சினை பண்ணுவான்? எல்லாம் அண்டை வீட்டு காரன்தான்.சும்மாயிருந்தாலும் சண்டைக்கு இழுப்பதே பொழுதுபோக்காக கொண்டவன்.
மைனா: இது உலகளாவிய பிரச்சினை ஆயிற்றே.

குருவி: நம் மாநிலத்தை எடுத்துகொண்டால் கேரளா,கர்நாடகா,ஆந்திரா,ஆகிய மாநிலங்களோடு நதி நீர் பிரச்சினை.அண்டை நாடான இலங்கையோடு மீனவர் மற்றும் கடத்தல்,மற்றும் ஈழ தமிழர் பிரச்சினை .இப்படி தீர்க்கமுடியாத பிரச்சினைகள் ஏராளம்.நம் நாட்டை எடுத்துகொண்டால் வங்கதேசம்,பாகிஸ்தான்,நேபாளம்,இலங்கை என்று ஒரு அண்டை நாட்டுடன் சுமுகமான உறவுகள் கிடையாது . எல்லாம் ஒரு குண்டு போட்டால் இருக்கின்ற இடம் தெரியாமல் போய்விடும்.அனால் அவைகள் நம்மை எல்லாவிதத்திலும் சீண்டி பார்ப்பதுடன் நமக்கு ஓயாமல் துன்பம் கொடுத்து கொண்டிருக்கின்றன.என்ன செய்வது.அதுபோல்தான் இதுவும்.இருந்தாலும் இது சின்ன பிரச்சினையாக இருப்பதால் ஏதாவது ஒரு வழி சொல்வாய் என்று உன்னிடம் வந்தேன்

.மைனா:ஒரு பழமொழி உண்டு. நீ உன் நண்பர்களை தேர்ந்தெடுக்கலாம். ஆனால் உன் பக்கத்து வீட்டுக்காரனை இறைவன்தான் தேர்ந்தெடுக்கிறான் என்று.அது என்னவோ தெரியவில்லை முதலில் நண்பர்களாக இருக்கும் பக்கத்து வீட்டுகாரர்கள் சில காலத்திற்கு பிறகு பரம எதிரிகளாக மாறிவிடுகிரார்களே அதுதான் எனக்கு புரியவில்லை.?

குருவி:உனக்கே புரியவில்லை என்றால் எனக்கு மட்டும் எங்கே புரியப்போகிறது?

மைனா: இந்த பிரச்சினையை தீர்க்க 3 வழிகள் உள்ளது.1.பக்கத்து வீட்டு காரனிடம் நேராக இது பற்றி பேசிவிடுவது.

குருவி:அது முடியாது.குப்பை போடுவதை தினமும் அவன் பார்த்துக்கொண்டுதான் இருக்கிறான். அதை ஒருநாள் கூட கண்டித்ததில்லை. என் சில நாட்களில் அவனே கொண்டு குப்பைகளை கொட்டுவான். இப்படியிருக்க அவனிடம் பேசி என்ன பயன் ஏற்ப்பட போகிறது,நீயே சொல்லு.. அவனை சரி கட்டினாலும் அவன் வீட்டில் இருப்பவர்கள் எந்த சட்ட திட்டத்திற்கும் கட்டுப்படாத பிறர் சொல்லை மதிக்காத உத்தம பிறவிகள்.அதனால்தான் எங்கள் வீட்டுக்காரர் அவர்கள் உறவே வேண்டாம் என்று சும்மா இருந்துவிட்டார்.

மைனா :: இரண்டாவது வழி.திருவள்ளுவர் காட்டும் வழி.
குருவி: அது என்ன?

மைனா:அவர் ஒரு குறளில் 'இன்னா செய்தாரை ஒருத்தல் அவர் நாண நன்னயம் செய்துவிடல்' உங்கள் வீட்டு குப்பையை சுத்தம் செய்யும்போது அவர்களின் குப்பையையும் சேர்த்து அப்புறபடுத்துதல்.அவ்வாறு செய்தால் அவர்கள் குப்பையை உங்கள் வீட்டின் எதிரில் கொட்டமாட்டார்கள்

.குருவி: எங்கள் வீட்டுக்காரர் தன் வீட்டின் எதிரில் குப்பையே கொட்டுவது கிடையாதே? அப்படி இருக்கும்போது எப்படி அவர்கள் கொட்டிய குப்பையை வாரி கொட்ட முடியும்.இது இன்னும் அவர்கள் திமிரை அதிகப்படுத்தும் அல்லவா?இது சரிப்படாது.அவர்களுக்குத்தான் மனசாட்சியே கிடையாதே

மைனா:இவர்களுக்கு அடி உதைதான் சரி.ஆனால் உங்கள் வீட்டுக்காரர் பரம சாதுவாயிற்றே அப்படியானால் அதற்க்கு மற்றொரு ஒரு வழி உள்ளது.
குருவி:அது என்ன வழி

மைனா: உன் வீட்டுக்காரர் தினமும் இறைவனிடம் பிரார்த்தனை செய்யும்போது,இறைவா இந்த பக்கத்து வீட்டு ஜனங்களுக்கு நல்ல புத்தி கொடுக்கவேண்டும் என்று பிரார்த்தனை செய்ய சொல்லு. அது நிச்சயம் பலனளிக்கும்.

குருவி:அதைத்தான் அவர் செய்ய தொடங்கினார். இறைவன் எதையும் சரியாக செய்வான் என்ற நம்பிக்கை அவர்க்கு உண்டு. அதற்காக அவர் காத்துகொண்டிருக்கிறார். அவர் சும்மா இருப்பதால் அவர்களின் ஆணவம் எல்லை மீறி போய் கொண்டிருக்கிறது.இருந்தாலும் எதற்கும் ஒரு முடிவு நிச்சயம் உண்டு.அக்கிரமக்காரர்களின் வாழ்வு நீண்ட நாளைக்கு நீடிக்காது என்பது உலகம் அறிந்த உண்மை.

மைனா: எப்போதும் இறைவனை நம்புபவர்களை அவன் எப்படியாவது அவர்களை தொல்லையிலிருந்து விடுவிப்பது நிச்சயம். அதை அவரவர் அனுபவங்களிலிருந்துதான் உணரவேண்டும்.

ANGER IS A BAIT FOR DISASTER

2008-10-06T22:11:00.000-07:00

YOGI RAMASURATHKUMAR

2008-10-06T06:42:00.000-07:00

STRENGTH COMES WHEN ONE IDENTIFIES WITH THE SOUL
WEAKNESS COMES WHE ONE IDENTIFIED WITH THE BODY

அகில உலக காக்கை தமிழர் பேரவை

2008-10-05T23:00:00.000-07:00

தமிழ் நாட்டு அரசியல்வாதிகளே உங்களுக்கு ஒரு வேண்டுகோள்!
தமிழர்களையும்,தமிழ் நாட்டையும் பாதிக்கும் முக்கியமான பிரச்சினைகள்
கச்ச தீவு விவகாரம்
தமிழ்நாட்டு மீனவர்களை இலங்கை அரசு பிடித்துசென்று சிறையில் அடைத்து துன்புறுத்துவதும்
,சுட்டு தள்ளுவதும்
இலங்கையில் தமிழர்களுக்கு எதிராக போர் நடத்தி அவர்களை அழிக்கும் விவகாரம்
கர்நாடக அரசு தமிழ் நாட்டிற்கு அளிக்கவேண்டிய காவிரி நதி நீரை தராமல் சண்டித்தனம் செய்வது
கேரளா அரசு முல்லை பெரியாறு அணை கரையை உயர்த்த மறுப்பது,
பவானி ஆற்றின் குறுக்கே அணை கட்டுவது
ஆந்திர அரசு பாலாற்றின் குறுக்கே அணை கட்டுவது,
இன்னும் தீர்வை எதிநோக்கி இருக்கும் பல பிரச்சினைகள் உள்ளன
.இவைகளை தேவைப்படும் நேரத்தில் எடுத்து அரசியல் பண்ணுவதை விடுத்து
எங்களைப்போல் எதிரும் புதிருமாக உட்காராமல்
அனைத்து வேறுபாடுகளை மறந்து தமிழர்கள் நிம்மதியாக தன்மானத்துடன் வாழ வேண்டும் என்ற சிந்தனையுடன் ஒருமித்த கருத்துடன் அணுகி பிரச்சினைகளை
முடிவுக்கு கொண்டு வருமாறு அன்புடன் கேட்டுக்கொள்கிறோம்

இப்படிக்கு அகில உலக காக்கை தமிழர் பேரவை.

மைனாக்களின் பேச்சு கேளுங்கள்

2008-10-05T08:59:00.000-07:00

MAINAAS CORNER

2008-10-04T23:17:00.000-07:00

மைனா:.பணவீக்கம் , பண வீக்கம் எங்கு பார்த்தாலும் மனிதர்கள் பேசிக்கொள்கிறார்களே? அப்படீன்னா என்ன?.நான் பார்த்த வரையில் ரூபாய் நோட்டுகளும் நாணயங்களும் அப்படியேதான் இருக்கின்றன.ஒன்றும் வீங்கி போனதாக தெரியவில்லை.

மைநீ:அப்படி இல்லை.எந்த காலத்திலும் ருபாய் நோட்டுக்கள் வீங்காது.அப்படியேதான் இருக்கும்,அதன் மதிப்புதான் அவ்வப்போது மாறிக்கொண்டு இருக்கும். சில காலங்களில் ஒரு பொருளை வாங்க மிக குறைந்த செலவு ஆகும் .சில காலங்களில் அதே பொருளுக்கு அதிக விலை கொடுக்கவேண்டியிருக்கும். உதாரணத்திற்கு ஒன்று சொல்கிறேன்.சில மாதங்களுக்கு முன்பு ஒரு கிலோ கத்திரிக்காய் 10 ரூபாய்க்கு வாங்க முடிந்தது இன்று ,அதே பொருள் 25 ருபாய். அதே போல் ஒரு கிலோ காரட் அன்று 16 ரூபாய்.இன்று 32 ரூபாய்.விற்கிறது.பணத்தின் மதிப்பு குறைந்துகொண்டே போனால் எவ்வளவு சம்பாதித்தாலும் பொருட்களை வாங்க முடியாத நிலை ஏற்ப்படும்.

மைனா:நமக்கு அந்த பிரச்சினையே கிடையாது.நாம் எதையும் சேர்த்து வைப்பதும் கிடையாது.விலைக்கு வாங்கி சாப்பிடுவதும் கிடையாது.இயற்கையில் உள்ளதை நமக்கு தேவைக்கு மட்டும் எடுத்துகொள்கிறோம்.ஆனால் மனிதர்கள் மட்டும் ஏன் இப்படி இயற்கைக்கு மாறாக நடந்துகொள்கிறார்கள்?

மைநீ:அவர்கள் ஆறறிவு படைத்தவர்கள்.அந்த ஆறாவது அறிவுதான் அவர்களை அகந்தையும்,சுயநலமும்,பேராசையும் பொறாமையும் கொண்ட தீயவர்களாக ஆக்கிவிட்டது.எல்லாம் இருந்தும் எப்போதும் அவர்கள் துன்பபட்டுகொண்டும் பிற உயிர்களையும் ,பிற மனிதர்களையும் எப்போதும் துன்பத்தில் ஆழ்த்திக்கொண்டு இருக்கிறார்கள்.ஐயோ பாவம்.மனிதர்கள்

SAY ONTHING-DO ONTHING-THAT IS HUMANS

2008-10-04T03:20:00.000-07:00

#links

2008-10-04T01:09:00.000-07:00

#links
padangalum tagavalgalum arputham.keep it.up.

CAT EYE

2008-10-03T07:56:00.000-07:00

BEASTS IN HUMAN FORM

2008-10-03T03:30:00.000-07:00

SELF CONFIDENCE ALWAYS GIVE CHEER IN LIFE

2008-10-03T02:11:00.000-07:00

காற்றும் மேகமும் காட்டும் பாதை

2008-10-03T01:28:00.000-07:00

காதலிக்க துவங்கும் மைனாக்கள்

2008-10-01T18:54:00.000-07:00

காந்தி ஜெயந்தி

2008-10-01T17:12:00.000-07:00

காந்தி ஜெயந்தி
ஆண்டுதோறும் அக்டோபெர் 2-ம் நாள் வரும் காந்தி ஜெயந்தி
கொண்டாடுவார்கள் அவரின் படத்திற்கும் சிலைகளுக்கும்
பவ்ய்மாமாக மலர்கள் தூவி மாலைகள் சார்த்தி
நேர்மைக்கு பெயர் போன மகாத்மா
காந்திக்கு நேர்மையற்ற வழியில் ஊர் பணத்தை
கொள்ளையடித்து ஊர் மெச்ச விழா கொண்டாடுகிறார்கள்
ஊழலில் திளைக்கும் அரசியல்வாதிகள்
எல்லோரையும் கதர் கட்ட செய்து
நெசவாளர்களுக்கு மறு வாழ்வு அளித்தார் காந்தி
கதர் வாரியங்களை மூடிவிட்டு வெளிநாட்டு
துணிகளை தாராளமாக விற்க அனுமதித்து
இங்குள்ள பரம ஏழை நெசவாளர்களின் வாழ்வை
அழித்துவிட்டனர் தற்போதுள்ள ஆட்சியாளர்கள் இன்று
காந்தி குல்லா அணிந்து இன்றொருநாள் மட்டும்
வேஷம் கட்டுகிறார்கள் கோடிகணக்கான நெசவாளர்களின்
வாழ்க்கையை அழித்துவிட்டு அவர்களை
தற்கொலை செய்ய விட்டுவிட்டு
அவர்களின் வாழ்வில் மலர்ச்சியை ஏற்படுத்திய
காந்தி மகான் பிறந்த நாளை கொண்டாடுகிறார்களே ,
யாரை ஏமாற்றுவதற்க்காக.?
கள்ளை ஒழிக்க வாழ்நாள் முழுவதும்
போராடிய காந்தி எங்கே ?
பட்டி தொட்டி எலலாம் அரசு செலவிலே
மதுக்கடைகள் திறந்து நாட்டு மக்களின் வாழ்வை
நாசமாக்கும் தற்போதைய அரசியல்வாதிகள் எங்கே ?
உண்மைக்கும் ,நேர்மைக்கும்
சின்னமாய் விளங்கும் காந்தி மகான்
படம் போட்ட ருபாய் நோட்டை
சாட்சி வைத்தே லஞ்சம் வாங்கி ஊழல் செய்து
மாறி மாறி நீதிமன்றங்களின் படிக்கட்டுகளில்
ஏறி இறங்கும் இவர்கள் காந்தி பிறந்த நாள் விழா
கொண்டாட அருகதை உண்டா ?
இரண்டு கதர் துணிகளுடன்
எளிமையாக வாழ்ந்த அந்த மகான் எங்கே ?
கோடிக்கணக்கான ருபாய் மதிப்புள்ள
சொத்துக்களுடனும்ச்விச்ஸ் வங்கிகளில்
கோடிக்கணக்கில் பணம் போட்டு விட்டு
பல லட்ச ரூபாய் மதிப்புள்ள காரில்
பத்து காவலர்கள் நவீன பாதுகாப்பு ஆயுதங்களுடன்
புடை சூழ பவனி வந்து
நொடிக்கொரு தரம் பொய்களை அவிழ்த்து விட்டு
மக்களை ஏமாற்றி
கொழுக்கும் தற்கால அரசியல்வாதிகள் எங்கே ?
ஏற்கெனவே காந்தியின் கொள்கைகளுக்கு
நீங்கள் எழவு எடுத்தாகிவிட்டது
இனிமேல் நீங்கள் விழா எடுக்க வேண்டிய அவசியம் இல்லை
.காந்தியின் கொள்கைகளை நம்மை விட
மேலை நாட்டினர் நன்றாக புரிந்து கொண்டுள்ளனர்
மார்டின் லூதர் கிங்கும் , நெல்சன் மண்டேல்லாவுமே இதற்க்கு சான்று
.நம் நாட்டு மக்களுக்கு மேலை நாட்டை
சேர்ந்தவன் படம் எடுத்து காந்தியை பற்றி
புரியவைக்க வேண்டியிருக்கிறது .என்ன கொடுமை ?
அது சரி காந்தி யார் என்று கேட்கிறீர்களா?
ருபாய் நோட்டில் ஒரு படம் அச்சிடபட்டிருக்கும் அவர்தான் காந்தி.

காக்கை சிறகினிலே நந்தலாலா

2008-10-01T08:27:00.000-07:00

காக்கை சிறகினிலே நந்தலாலா நிந்தன் கரிய நிறம் தோன்றுதையே நந்தலாலா என்றான் தெய்வ கவிஞன் பாரதி

காகம் என்றால் கருமை நிறம் மட்டுமா ?
மனித இனம் தோன்றிய நாள் முதல் மனிதனுடன் கூடவே வாழ்ந்து வருவது காகம்
முன்னோர்களுக்கு பிண்டம் வைக்க காகத்தைதான் இன்றும் அழைக்கின்றோம் அல்லவா !
ஏனென்றால் முன்னோர்கள் காகம் உருவில் அந்த உணவை உண்பதாக தொன்று தொட்டு நிலவி வரும் நம்பிக்கையன்றோ !
காலையில் சூரிய உதயத்திற்கு முன் கா கா எனக்கூவி அனைவரையும் எழுப்புவது காகமல்லவா
குழந்தைகளுக்கு சோறு ஊட்ட்ட காகத்தை கூப்பிட அதுவும் தத்தி தத்தி வந்து எதிரில் நிற்ப்பது மட்டுமல்லாமல் மற்ற காகங்களையும் கூப்பிடுவதே ஒரு அழகுதான்
நாம் ஒரு காகத்திற்கு உணவிட்டால் அது தான் மட்டும் அந்த உணவை உண்ணாது மற்ற காகங்களையும் கூவி அழைத்து கூடி மகிழ்ந்து உண்ணும் பாங்கே தனி
காலையில் வீட்டின் வாயிலில் முன்பு அரிசி மாவினால் கோலம் போட்டால் அதை போட்டு முடியும் வரை காத்திருந்து அவ்விடத்தை விட்டு நகர்ந்தபின் அனைத்து காகங்களும் கோலத்தை சுற்றி நின்று தத்தி குதித்து குதித்து அந்த மாவினை கொத்தி தின்பதும் ஓர் அழகு .அதை ரசித்தவர்களுக்குதான் தெரியும்

காகம் வடையை கவ்வி சென்று குள்ள நரியிடம் ஏமாந்த கதை காலம் காலமாக குழந்தைகளிடம் சொல்லப்படும் கதை
ராமாயணத்திலே காக வடிவிலே காகாசுரன் என்னும் அரக்கன் சீதையை துன்புறுத்தியபோது ராமபிரான் தர்ப்பை புல்லினால் தண்டித்ததால் ஒரு கண்ணை இழந்த காரணத்தினால் காகங்கள் ஒரு கண்ணால் பார்க்கின்றன என்ற புராண செய்தியும் உண்டு
காகம் கடலையை போட்டாலும் தின்னும் எந்த உயிரின் குடலை போட்டாலும் தின்னும்
இனிப்பையும் தின்னும் காரத்தையும் தின்னும்
இதுதான் அதுதான் என்னாது எதைபோட்டாலும் தின்னும் ஆச்சரியம் ;.
எல்லா கழிவுகளையும் உண்டு சுட்ட்ருபுஅத்தை சுத்தப்படுத்தும் காக்கை நீரினால் தன் உடலையும் சுத்தப்படுத்தும் நேர்த்தியே நேர்த்தி .அதை பார்த்தவர்களுக்கே தெரியும் ;
தெரு விளக்கு மின் கம்ப ஒயர்களின் மீது காகங்கள் வரிசையாக அமர்ந்து கும்பலாக குரல் எழுப்புவது கண்கொள்ளா காட்சி
சில சமயம் ஒரு காகம் மின்சாரம் தாக்கி மாண்டு கீழே விழும்போது மற்ற காகங்கள் கும்பலாக சுற்றி நின்று வந்து கதறி குரல் எழுப்புவது மனதை நெகிழ வைக்கும் காட்சி
புல்லை மேயும் மாட்டின் மீது ஒயிலாக அமர்ந்து கொண்டு அதன் உடம்பில் மேல் உள்ள பேன்களை பிடித்து தின்னும் காகம் ;
மாட்டின் மீது உள்ள புண்களையும் குத்தும் காகம்
அதனாலன்றோ எழுந்தது காக்கைக்கு தெரியுமோ எருதின் வலி என்ற பழமொழி

தெருக்குழாய் நின்றுகொண்டு சொட்டு சொட்டாய் நீரை காகம் பருகுவது கண் கொள்ளா காட்சி .
காகம் வீட்டின் வாயிலில் நின்று கரைந்தால் அன்று நிச்சயம் விருந்தினர்கள் வருவார்கள் என்பது நெடு நாளைய நம்பிக்கை
பலயுகம் கண்ட காக புஜண்ட முனி வெள்ளை காக்கை உருவில் இமயமலையில் இன்னும் வசிப்பதாக சித்தர் புராணம் கூறுகிறது
அகத்திய முனி கமண்டலத்தில் காவிரி நதியை தமிழ் நாட்டில் பாயவைக்க விநாயக பெருமான் வந்தது காக உருவிலன்ரோ
வேப்பம் பழத்தை தின்றுவிட்டு வேப்பம் கொட்டையை செல்லுகின்ற இடங்களில் எல்லாம் எச்சத்துடன் இட்டு இலவசமாக மரம் நாடு விழாக்களை நடத்தும் காகத்திற்கு மனிதஇனம் நன்றி செலுத்தாவிட்டாலும் பரவாயில்லை அவைகளை துன்புறுத்தாமல் இருந்தால் அதுவே போதும்
பல்லாயிரகணக்கான ஆண்டுகளாக மனிதர்களோடு வாழும் காகத்தை பாசத்தோடு பார்க்க கற்றுகொள்ளுங்கள்
சுற்றுபுறத்தை சுத்தமாக வைக்க உதவும் காகத்தை அன்போடு நேசியுங்கள் .
இவ்வளவு சரித்திரம் உள்ள காகம் மக்களை ஆட்டி படைக்கும் சனீஸ்வர பகவானின் வாகனமாக சநீஸ்வரனுடன் சேர்த்து வணங்கப்படுவது சால சிறப்பன்றோ .

வெற்றிக்கு வழி

2008-10-01T05:40:00.000-07:00

வெற்றிக்கு வழி
தோல்வி என்பது என்ன ?
எடுத்த காரியம் முடியவில்லை என்றுதானே அர்த்தம் ;
அதற்காக ஏன் வருந்தவேண்டும்?
ஏன் கவலைப்படவேண்டும்?.
வீணாக ஏன் மனதை குழப்பி கொள்ள வேண்டும்?
ஏன் தவறான முடிவுகளை மேற்க்கொள்ளவேண்டும் ?
எடுத்த காரியம் என்ன காரணத்தினால் முடியவில்லை
என்பதை ஆராய்ந்து அதை சரி செய்து செயல்படுவதே வெற்றிக்கு வழி வகுக்கும்
அதைவிடுத்து அப்படியே இடிந்து போய் உட்கார்ந்துவிடுவதும்
தற்க்கொலைக்கு முயற்சிப்பதும் தவிர்க்கப்பட வேண்டும் ;
கடவுள் ஒவ்வொரு மனிதரையும் ஒவ்வொரு
குறிக்கோளை அடையவே படைத்திருக்கிறார் ;.
அதை அறிந்துகொண்டு அதை செயல்படுத்தினால்
நம் வாழ்க்கை அர்த்தமுள்ளதாக விளங்கும் ;.
வெற்றி பெற்றால் மகிழ்ச்சி அடைவதும்
தோல்வி கண்டால் துயரில் மூழ்குவதும் மனத்தின் இருவேறு நிலைகளே .
ஆனால் உண்மையில் மகிழ்ச்சி என்றோ துக்கம் என்றோ எதுவும் இல்லை .
இதை ஒவ்வொருவரும் புரிந்துகொண்டால் வாழ்வில்
இன்பத்துக்கும் அமைதிக்கும் பஞ்சமில்லை
உலகில் கணக்கிலடங்கா பொருட்கள் உள்ளன
எல்லாவற்றையும் பெற நாம் ஆசைப்படுவதில்லை
எதோ சிலவற்றின் மீது மட்டும் ஆசை வைக்கின்றோம்
மற்றவைகளை பற்றி நாம் கண்டு கொள்வது கூட கிடையாது
ஆசைப்படும் பொருளை அடைந்து விட்டால்
மனம் வேறு பொருள் மீது நாட்டம் கொள்ள தொடங்கிவிடுகிறது
பிறகு நாம் அந்த பொருளை ஏறெடுத்து கூட பார்ப்பதில்லை
ஆசைப்படும் பொருள் கிடைக்காவிட்டால்
அதை அடைய பலவிதமான முயற்சிகள் செய்கிறோம் ;
அதற்க்கு தடையாக இருப்போரை வெறுக்கிறோம் ;.
அவர்களை அழிக்க கூட முயற்சிகள் செய்கிறோம் ;.
இதிலிருந்து நாம் பாடம் கற்றுக்கொள்ள வேண்டும் ;
ஆசைகளே எல்லாவிதமான துன்பங்களுக்கும்
அடிப்படை காரணமாக இருப்பதால்
நம்மை ஆசைகளிலிருந்து காத்துக்கொண்டால்
எந்தவிதமான துன்பமும் நம்மை அணுகாது .

முதியோர் தினம்

2008-09-30T16:58:00.000-07:00

முதியோர் தினம்
ஒவ்வோர் ஆண்டும் அக்டோபர் முதல் நாள் முதியோர் தினம்
காதலர் தினம் கொண்டாடும் காளையர் கன்னியர் தங்கள்
எதிர் காலத்தை நினைத்து முதியோர் தினமும் கொண்டாடுங்கள்
முதியோரை மதியாதார் வாழ்ந்தும் வாழாதார்
நீங்கள் நன்றாக வாழ வாழ்த்து பெறுங்கள் அவர்களிடம்
அவர்களோடு அன்பாய் பேசுங்கள் ஆதரவாய் உதவிகள் செய்யுங்கள் ;
முதிய வயதிலும் ஆட்டம் போடும் சில இளசுகள்
பழைய நினைவுகளை மட்டும் அசை போடும் சில பெரிசுகள் ;
சொன்னதையே சொல்லும் கிளிப்பிள்ளைகளை போல சிலர்
சில முதியோர்கள் கீறல் விழுந்த கிராமபோன் ரெகார்டுகள் ;
அவர்களை வெறுத்து ஒதுக்காதீர்கள்
கிராமபோன் ரெகார்டுகள் தனக்குதானே கீறல் போட்டு கொள்வதில்லை
அதை பயன்படுத்தியவரின் கவனக்குறைவுதான் மனதில் கொள்ளுங்கள்
முதிய வயதிலும் முயற்சி செய்து வெற்றி படிகளில் ஏறி மகிழ்ந்தோரும் உண்டு ;
அயற்சியினால் அல்லல்பட்டு தளர்ச்சி அடைந்தோரும் உண்டு
இளமையில் நெறி கேட்டு அலைந்தவன் தறி கெட்ட வாழ்க்கை வாழ்ந்து
முதுமையில் துன்பத்தில் சாகிறான் ;
இளமையில் தப்பாட்டம் போட்டவன்
முதுமையில் தள்ளாட்டம்தான் போடவேண்டும் ;
ஒழுக்கத்தோடு வாழ்ந்தவன் முதுமையில் புழுக்கமில்லாமல் இருக்கிறான் ;
முதுமையிலும் மன முதிர்ச்சி அடையாதவன்
அதிர்ச்சிகளைத்தான் பரிசாக பெறுகிறான்
கால்கள் இருந்தும் நடக்காதவன் முதுமையில் நடைபிணமாகிறான்
உலகத்தை அன்போடு நேசிக்க தெரிந்தவன்
யாரிடமும் எதற்கும் யாசிக்க நேர்வதில்லை
பொறுமையை கடைப்பிடிக்கும் முதியோர்கள்
போற்றப்படும் காலம் வந்தே தீரும்
முதிய வயதில் குறைவாக உண்பது நோயில்லா வாழ்வை தரும் ;
எல்லோரும் இன்புற்றிருக்க நினைப்பது
நாம் துன்புறாமல் இருக்கும் வழி
அகந்தை உள்ள முதியோர்கள் அனைவராலும்
கந்தை துணிபோல் ஒதுக்கபடுவார்கள்
பண்பாடுகளை காக்கும் முதியோர்களின் மனம் புண்படாது காப்பது நம் கடமை
அவர்கள் மண்ணில் மறையும்வரை நம் கண்போல் வைத்து காப்பாற்ற வேண்டும் ;
முதியோர்கள் அனுபவங்கள் நம் நாட்டிற்கு என்றும் தேவை
அவர்களுக்கு செய்யும் சேவை என்றும் வளப்படுத்தும் நம் வாழ்வை
அவர்களின் கடந்த கால நிகழ்வுகள் நிகழ் கால வாழ்விற்கு பாடங்கள்
அதை உணரா உள்ளங்கள் ஒரு நாள் செல்லத்தான் வேண்டும் முதியோர் இல்லங்கள் .;
பெற்றோர்களிடம் நன்றி மறந்தவர்கள் பன்றியை விட கீழானர்வர்கள் ;
இளமையில் இந்த உடலை முறைப்படி பராமரிக்காதவன்
முதுமையில் காணாமல் போவான் ;
இறைவன் கொடுத்த இந்த உடலில் இஷ்டப்படி வாழ்ந்தவன்
முதுமையில் கஷ்டப்பட்டுதான் போவான் ;
உடலும் உள்ளமும் உறுதியாக இருந்தால்தான்
கடலும் வானமும் போல் இறுதிவரை மகிழ்ச்சியாக வாழலாம் ;
முதுமையிலும் தொடர்ந்து அறிவை வளர்த்து கொள்பவனும்
அயராது உழைப்பவனும் என்றும் சோர்வடைவதில்லை
ஒழுக்கமிலா பெற்றோரின் பிள்ளைகள்
முதுமையில் சோகத்தைதான் பரிசாக தருவார்கள் ;
தன் குழந்தைகளின் எதிர்காலத்திற்காக தன் நிகழ்காலத்தை தொலைத்த முதியோர்களே
நீங்கள் உங்கள் குழந்தைகளுக்கு படிப்போடு பண்பையும் ஊட்டி இருந்தால் பிழைத்தீர்கள்
ஏனென்றால் பண்பில்லா வாழ்வு முட்கள் நிறைந்த காடு
அதில் தீய விலங்குகளும் தீயவர்களும்தான் இருப்பார்கள் .
இவையெல்லாம் இரு தரத்தாரும் மனதில் கொள்வீர்
ஒருவரை ஒருவர் மதித்து இன்றும் என்றும் இன்பமாய் வாழ்ந்திடுவீர் .

kankaatchi: I CAN FLY THROUGH THIS DENSE JUNGLE EFFORTLESSLY .CAN YOU ?

2008-09-20T04:14:00.000-07:00

kankaatchi: I CAN FLY THROUGH THIS DENSE JUNGLE EFFORTLESSLY .CAN YOU ?

2008-09-15T07:39:00.000-07:00

அண்ணலும் அண்ணாவும்

2008-09-15T04:53:00.000-07:00

அண்ணல் படம் ரூபாய் நோட்டில் இல்லையென்றால் அது செல்லாது.
அண்ணாவின் பெயரை பயன்படுத்தாமல் தமிழ்நாட்டில் ஆட்சிக்கு வர முடியாது.
உண்மையே பேசி நாட்டிற்கு சுதந்திரம் பெற்று தந்தார் காந்தி அன்று
பொய்களை பேசி மக்களை ஏமாற்றுகிறார்கள் நாட்டை ஆளுபவர்கள் இன்று
அந்நியனை அடிபணியவைக்க அமைதி வழியில் உண்ணா நோன்பு மேற்கொண்டார் காந்தி அன்று
சுய விளம்பரத்திற்காக உண்ணா நோன்பு மேற்கொண்டு கேலி கூத்தாக்கிவிட்டனர் இன்று
காமராஜர் காட்டிய வழியில் செல்ல மறுத்த காங்கிரஸ் தமிழ் நாட்டில் ஆட்சியை இழந்தது.
அண்ணா காட்டிய வழியில் சென்ற கழகம் ஆட்சியில் தொடர்ந்து இருக்கிறது.

WHAT YOU WANT ME TO DO?

2008-09-15T04:44:00.000-07:00

YOU PEOPLE HAVE DESTROYED OUR HABITATS IN THE JUNGLE .
SO WE ALL CAME TO PLAINS FOR OUR LIVELIHOOD.
IF YOU DONT FEED US WE WILL SNATCH IT FROM YOU.
THERE IS NO OTHER WAY.FOR US

2008-09-14T19:42:00.000-07:00

இந்தியாவின் மறு பக்கம்

அதிகமா படிச்சவனெல்லாம் பாரின் போறான்
அதிகமா படிக்காதவனெல்லாம் வேலை எதுவும் கிடைக்காமல்
டாஸ்மாக் பாருக்குதான் போறான்
அந்நிய செலாவணி இருப்பு ஏராளம்
அந்நிய கம்பெனிகளுக்கு இங்கே தாராளம்
அனைத்தும் கம்ப்யூட்டர் மயம்
அங்கே வேலை செய்வோர்க்கு மட்டும் ஆயிரகணக்கில் சம்பளம்
வயிறு நிறைய சாப்பாடு ஆடம்பரமான வாழ்க்கை
லட்சகணக்கான மக்களுக்கு வேலையில்லை
அவர்களுக்கு வேலை அளிக்க எந்த அரசுக்கும் நாதியில்லை
வேலையில்லாதவன் திருடனாகிறான் ,தீவிரவாதியாகிறான் ;
சமூக விரோதியாகிறான்
போதைக்கு அடிமையாகிறான்
உழைப்பவனுக்கு ஏற்ற ஊதியமில்லை
உழைப்பவனை மதிக்கும் குணமும் இல்லை
பிறரை ஏமாற்றி வாழ்க்கை நடத்துபவர்களுக்கு பஞ்சமில்லை
எல்லாவற்றையும் நம்பி ஏமாறும் மக்களுக்கு பஞ்சமில்லை
அரசியல்வாதிகள் மக்களை ஏமாற்றுகிறார்கள்
படித்தவனை படிக்காதவன் ஏமாற்றுகிறான்
படிக்காதவன் படித்தவனை ஏமாற்றுகிறான்
கணவன் மனைவியை ஏமாற்றுகிறான்
மனைவி கணவனை எமற்றுகிறாள்
பெற்றோர் குழந்தைகளை ஏமாற்றுகிறார்கள்
குழந்தைகள் பெற்றோர்களிடம் கற்ற வித்தையை அவர்களுக்கே காட்டுகிறார்கள்
முதலாளிகள் தொழிலாளிகளை மோசம் செய்கிறார்கள்
வணிகர்கள் வரி கட்டாமல் அரசை ஏமாற்றுகிறார்கள்
போலிகளை விற்று மக்களை மோசம் செய்கிறார்கள்
எதற்கெடுத்தாலும் லஞ்சம்,
எதிலும் கலப்படம் உயிர் காக்கும் மருந்துகள் மற்றும் உணவு பொருட்கள் உட்பட
பட்டிதொட்டி எல்லாம் தள்ளுபடி மோசடிகள்
எங்கு பார்த்தாலும் இலவச மோசடிகள்
மக்களின் உயிரோடு விளையாடும் போலி மருந்து தயாரிப்புகள்
மக்களை ஏமாற்றி கொழுக்கும் போலி மருத்துவர்கள்
லட்சக்கணக்கில் மாணவர்களின் பணத்தை சூறையாடும் போலி பயிற்சி பள்ளிகள்
ஆசைக்கு மயங்கும் அணங்குகள்
அவர்கள் விரிக்கும் வலையில் சிக்கும் இளைநர்கள்
அரசுகளின் இலவச அறிவிப்புகள்
எங்கு பார்த்தாலும் சூதாட்ட அரங்குகள்
எங்கு பார்த்தாலும் மக்களை போதைக்கு ஆளாக்கி
வாழ்வை சீரழிக்கும் அரசின் மதுபான கடைகள்
வீட்டிற்குள்ளும் வெளியிலும் உயிர்க்கும்,உடைமைகளுக்கும் பாதுகாப்பற்ற சூழ்நிலை
எங்கு பார்த்தாலும் மனித கழிவுகள்
பிளாஸ்டிக் ,மற்றும் மிருக கழிவுகள் மற்றும் குப்பை கூளங்கள்
இது போதாதென்று வெளிநாட்டு கழிவுகளை விலைக்கு வாங்கி நம் நாட்டில்
புதைக்கும் அசிங்கம்
சுகாதாரமற்ற பொது சுகாதாரத்துறை
தான் பதவியில் இருந்தால் இல்லாத பிரச்சினை
எதிர் கட்சியில் மட்டும் இருக்கும்போது மக்கள் விரோத கொள்கையாக்கி
கலவரம் செய்யும் சுயநல அரசியல் கட்சிகளின் தலைவர்கள்
சிலைகளை வைக்க போராட்டம் , சிலையை சிலர் சேதப்படுத்தினால் போராட்டம்
வைத்த சிலையை எடுக்க ஒரு போராட்டம்
இந்த அரசியல் கட்சிகளின் பகடை காய்களாக பயன்படுத்தப்பட்டு
விட்டில் பூச்சிகள் போல் இரையாகும் கட்சி தொண்டர்கள் ஒருபுறம்
நாகரீகத்தை பறை சாற்றும் கண்காட்சிகளில் காசிருந்தும் உடலில் துணியில்லை
ஆனால் நாட்டுப்புறங்களில் காசில்லாமல் உடலில் போட துணியில்லை போன்ற அவலங்கள்
விழாக்களில் லட்சகணக்கில் செலவு செய்து உணவுபொருட்கள் வீணடிக்கப்படும் அவலம் ஒரு புறம்
ஒரு வேலை சோற்றுக்கே வழியில்லாமல் தவிக்கும் கோடிக்கணக்கான இந்தியா மக்கள்
அரசு கிடந்குகளிலோ உணவு கையிருப்பு ஏராளம்
எலிகளுக்கு மட்டும் தாராளம்
ஏழை மக்களுக்கு மட்டும் மலிவு விலையில் மக்கிய அரிசி
அதையும் கடத்தி விற்று காசு பார்க்கும் அரசியல் கட்சிகள்
மலிவு விலை அரிசி வாங்க குடும்ப அட்டை இருந்தால்தான்
அதை வாங்குவதற்குள் பாதி உயிர் போய்விடும்
அது இல்லையென்றால் அவர்களின் வயிறு காலி
கிடங்கில் மக்கிபோக விடும் அரசுகள்
ஏழைகளுக்கு இலவசமாக வழங்க மட்டும் மறுப்பதேனோ ?.
ஏழைகளுக்கு இருக்க இடமில்லை
சாலையோரம் ,மேம்பாலம் அடியில் ,மரத்தினடியில் ,பாழடைந்த கட்டிடங்களில் ,,பேருந்து நிலையங்களில் ,ரயில் நிலையங்களில் ,குடித்தனம்
பணக்காரனுக்கோ ,10000 சதுர அடியில் டபுள் பெட்ரூம் பிளாட்
வீட்டில் இருப்பதோ 3 பேர்கள்தான்
அதுவும் வீட்டில் தங்குவது மாதத்தில் 3 நாட்கள்
அரசியல்வாதிகள் பறப்பது காரில்
அடித்தட்டு மக்கள் தங்களை மறப்பது பாரில்
லட்சகணக்கில் செலவு செய்து அழகி போட்டிகள்
உடலில் துணியில்லாமல் அதை ரசிக்க
உடல் முழுவதும் பலவிதமான ஆடைகள் அணிந்து ரசிக்கும் பணக்கார பட்டாளம்
கோடிக்கணக்கான ரூபாய்கள் செலவு செய்து ராக்கெட் விடுவோம்
பெண்களின் மானம் காக்க ஜாக்கெட் வாங்க காசில்லா அவலம்
வீட்டிற்கு வெளியே முழங்குவது பெண்ணுரிமை
வீட்டிற்குள்ளோ பெண் அடிமை
ஆபாச கூத்தடிக்கும் பெண்கள் ஒருபுறம்
ஆபாசத்தை ஒழிக்கவேண்டும் என்று கேலி
கூத்தடிக்கும் மாதர் சங்க அமைப்புகள் ஒருபுறம்
காமத்துக்கு ஜாதி தேவையில்லை
ஆனால் பள்ளியில் சேர கண்டிப்பாக ஜாதி சான்று இந்நாட்டில் தேவை
திருடி பிழைக்க மதம் தேவையில்லை
ஆனால் உழைத்து பிழைக்க மதம் தேவை
திருமணத்தை அங்கீகரிக்க சமூகத்தில் மதம் தேவை
காசுக்காக கால் சென்டரில் இரவு முழுதும் கண்விழித்து பகலில் உறங்கி உருவாகும் மனநோயாளிகள்
ஆட்சிகள் மாறும் காட்சிகள் மாறும்
ஆனால் மேற்கண்ட அவலங்களுக்கு விடிவு காலம் அன்றும் இல்லை இன்றும் இல்லை என்று வருமோ யாருக்கும் தெரியாது
நிலத்தை உழுபவன் அழுவதை தவிர வேறு வழியில்லை
நெல்லை விதைப்பவன் புல்லைத்தான் அறுவடை செய்கிறான்
வட்டிக்கு கடன் வாங்கி பயிர் செய்பவன் தன் உலை வைக்கிறான் சமையலறையில் அல்ல
கரும்பு பயிரிடுபவன் அதை எரும்புக்குதான் போட வேண்டும் ஏனென்றால் அரசு விலை நிர்ணயித்து அரைக்க உத்திரவிட ஆகும் காலதாமதத்தால்.
விலை அறிவித்தாலும் காசும் உடனே கிடைக்காது
கூட்டுறவு சங்கங்களினால் அதன் உறுப்பினர்களுக்கு எந்த பயனும் கிடையாது
அது சங்க தலைவர் மற்றும் அரசியல் கட்சிகளின் ஏக போக சொத்து
பயிருக்கு போட பூச்சி மருந்து அன்று
இன்று கடனில் சிக்கி தவிக்கும் விவசாயிகளின் உயிரின் விடுதலை தரும் அருமருந்து
இடத்திற்கு சண்டை , மடத்திற்கு சண்டை ,எந்த அமைப்பை எடுத்தாலும் ஆதிக்க சண்டை
அறிக்கை விடத்தான் அரசுகள்
பிரச்சினைகளை தீர்க்க அல்ல
திட்டங்களை அறிவிக்கத்தான் அரசியல்வாதிகள் செயல்படுத்த அல்ல
ஐந்தாண்டுகளுக்கு ஒரு முறை மாறும் அரசுகள்
தம்மை வாழ வைக்கும் என்று நம்பி ஏமாறும் அப்பாவி மக்கள்
தொலைநோக்கு பார்வை இல்லாத அரசியல் தலைவர்கள்
மக்களுக்கு தொல்லை தருவதையே கொள்கையாக கொண்ட அரசியல் கூட்டணிகள்
நாட்டில் பல பகுதிகளில் வருடம்தோறும் வெள்ளம் ,
பல பகுதிகளில் வானம் பொய்த்து வறண்டு மக்களை துயரில் ஆழ்த்தும் அவலங்கள்
நதிகளை இணைக்க நாடு முழுவதும் கோரிக்கைகள்
அதை தடுக்க போராடும் சுயநல அரசியல் கட்சிகள்
மழை பெய்தாலும் பஞ்சம் , வெய்யில் காய்ந்தாலும் பஞ்சம்
நிவாரணம் வழங்க கோரிக்கைகள்
பஞ்சத்தை பார்வையிட பத்து பேர் கொண்ட கமிட்டீ
அவர்களுக்கு பன்னாட்டு ஓட்டலில்மதுவுடன் பார்டி
வயிறு காய்ந்த மக்களுக்கு வாய் நிறைய யோசனைகள்
பல கோடிக்கு நிவாரணம் அறிவிப்பு -பத்திரிக்கைகளில் பரபரப்பு பெட்டி
நிவாரணம் கிடைக்காமல் மக்கள் தவிப்பு -நிவாரணம் பெற தள்ளுமுள்ளு சாவுகள்
நிவாரணம் சென்று சேர்வது யாரை - எல்லோருக்கும் தெரியும்
கலை என்றால் அரைகுறை ஆடையுடன் ஆபாச அசைவுகள்
ஆட்டம் என்றால் தொப்புள் ஆட்டம் தான்
பாட்டென்றால் ஆபாச பாட்டுகள்
தொலைகாட்சி தொடர்கள் என்றால் பெண்களே
பெண்களை கொடுமை செய்யும் வக்கிர உறவு காட்சிகள்தான்
படங்கள் என்றால் ஒழுங்கீனத்தை நியாயப்படுத்தும் வன்முறை படங்கள் தான்
கொள்ளை அடிப்பவன் கோயில் கட்டுவான்
கோயில் கட்டி கோயில் சொத்தையும் கொள்ளை அடிப்பான்
சிலையை கடத்துவான் தடுப்போரை கொலையும் செய்வான் ,கடத்தி விற்று காசும் பார்ப்பான்
கல்லூரி நடத்துவான் , காசும் சேர்ப்பான்
இவையெல்லாம் நடக்கும் , இன்னமும் நடக்கும்
மக்கள் சிந்திக்க தொடங்கும் வரை
அந்தோ பரிதாபம் !அரசியல்வாதிகள் அவர்களை சிந்திக்க விட மாட்டார்கள்
மெகா சீரியல்வாதிகளும் அவர்கள் பங்கை ஆற்ற தவறமாட்டார்கள்
கிளர்ச்சியூட்டும் கவர்ச்சி விளம்பரங்களுக்கு பஞ்சமில்லை
இலவசங்களுக்காகவே தேவையற்ற பொருட்களை வாங்கி குவிக்கும்
மக்களின் மனோபாவத்திலும் மாற்றமில்லை
நடுவில் மதவாதிகள் மக்களை குழப்பி அவர்களை வெறியர்களாக்கி மோதவிட்டு அவர்கள் கோடீஸ்வரர்களாகி சுக போகத்தில் திளைத்து கொட்டமடிக்கும் அவலமும் இங்கு உண்டு.
பாவம் இந்தியா மக்கள்

MOTHER WITH HER GODCHILD

2008-09-14T18:27:00.000-07:00

தாய்

2008-09-14T18:10:00.000-07:00

எல்லா தாய்களும் பெண்கள்தான் ;
ஆனால் எல்லா பெண்களும் தாயல்ல
தன் தாய்க்கு சேயாக விளங்கும் அவள்
தன் சேய்க்கு தாயாக விளங்குகிறாள்
தன் கணவனுக்கு தாரமாக விளங்கும் அவள்
வயதான பின் அனைவருக்கும் பாரமாகி போவது ஏனோ ?
இளமைக்காலத்தில் தாயின் மீது பாசம் காட்டு
வயதான காலத்தில் அவள் மீது அன்பு காட்டு
நோய் வந்து படுக்கையில் பரிவு காட்டு
அவளிடம் பேசுகையில் கனிவு காட்டு
மனைவியுடன் இன்பமாக இரு , தவறில்லை
அதற்காக தாயின் மனதை நோகடிக்காதே
பெண்கள் பேதலிக்கும் புத்தி உடையவர்கள்
அவர்கள் உள்ளம் எளிதில் உடைந்துவிடும்
ஆனால் உடைந்த வேகத்திலேயே ஒன்று சேர்ந்துவிடும்
ஆண்கள் கொஞ்சம் சகிப்பு தன்மையுடன் நடந்து கொண்டால் போதும்

I CAN FLY THROUGH THIS DENSE JUNGLE EFFORTLESSLY .CAN YOU ?

2008-09-13T07:45:00.000-07:00

BE SMILING ALWAYS-ENJOY EACH MOMENT OF LIFE

2008-09-13T07:35:00.000-07:00

பிறர் மீது குறை கூறாதே-பிறர் மீது கூறப்படும் குறைகளை காது கொடுத்து கேட்காதே- -SEE NO EVIL IN OTHERS ACTIONS-THIS IS THE WAY TO PEACE OF MIND

2008-09-12T19:19:00.000-07:00

என் மதத்தில் இருந்துகொண்டு உயிர் கொலை புரியும் பிக்குகளையும்,மக்களையும் கண்டு நான் தலை குனிகின்றேன்

2008-09-12T19:06:00.000-07:00

புத்த மதம் படும் பாடு

2008-09-12T17:45:00.000-07:00

ஆசையின் முதல் எழுத்து ஆண்டவனைக்குறிக்கும்
இரண்டாம் எழுத்து சைத்தானை குறிக்கும்
இவ்வுலகில் இரண்டும் உண்டு
அவ்வுலகில் ஆண்டவன் மட்டும் உண்டு
ஆசையில்லாவிடில் அசைவுகள் இல்லை
வசவுகள் இல்லை ,வம்புகள் இல்லை ,துன்பம் இல்லை
துயரங்கள் இல்லை ,மாளா பிறவிகளும் இல்லை
ஆசைகள் இருக்கலாம் ,அதனால் ஏற்படும் துன்பம் அளவோடு இருக்கும்
பேராசை கூடாது ,அதனால் ஏற்படும் துன்பம் பெரிய அளவில் இருக்கும்
ஆசையே துன்பத்திற்கு காரணம் என்றான் புத்தன்
ஆசையால் வந்த பந்தத்தை துறந்து வீட்டை விட்டு வெளியேறிய புத்தன் போதி மரத்தடியில் ஞானம் பெற்றான் . பல ஆண்டுகள் உடலையும் ,உள்ளதையும் ,வருத்தி
தவமிருந்து எதற்காக ,? யாருக்காக ?
இந்த உடல் நிலையில்லாதது

,இதன் மீது பற்று வைக்காதே என்றான்
இறைவனை திருப்திபடுத்த யாகத்தில் உயிர்களை

பலியிடவேண்டாம் என்று போதித்தான்
மேம்பட்ட மனித பிறவியான தன்னை

பலியிட வேண்டினான்
சிலர் மனம் மாறினர்
இந்து மதத்தில் அதிருப்தி கொண்ட
பலர் மதத்தில் தங்களை இணைத்து கொண்டனர்.

பல ஆயிரம் ஆண்டுகள் கழிந்த பின்பும்
புத்த மதத்திற்கு மாறுபவர்கள்

அதன் கொள்கைகளுக்காக மாறவில்லை
இந்து மதத்தில் நிலவும் தீண்டாமை கொடுமையிலிருந்து
விடுதலை பெறவே மதம் மாறுகின்றனர்
புத்த மதம் உலகின் பல நாடுகளில் பரவியது .
இந்து மதத்தில் இருந்து புத்த மதத்திற்கு சென்றவர்கள்
தங்கள் மதத்தைதான் மாற்றிகொண்டார்களே ஒழிய
அதன் கொள்கைகளின்படி வாழ்க்கையை வாழவில்லை
தங்கள் வழக்கப்படி உருவ வழிபாட்டை கண்டித்த
புத்தனுக்கே சிலைகள் வைத்து ,விஹாரங்கள் கட்டி
உருவ வழிபாட்டை தொடங்கிவிட்டனர்.
அகிம்சையை போதித்த புத்த மதத்தில்
இன்று ஹிம்சைதான் தலையாய கொள்கையாக

கடைபிடிக்கப்பட்டு வருகிறது
எதற்கும் அசையாத மனம் படைத்த

புத்த பிக்குகள் உடுப்பதோ காவி உடை
உண்பதோ அசைவம்
புத்தன் போதித்த அகிம்சையை

கடைபிடித்திருந்தால் ஜப்பானிய மக்கள்,
சீன மக்களை படுகொலை செய்திருப்பார்களா ?
இன்று புத்த மதத்தை கடைப்பிடிக்கும்

சிங்கள தாய்லாந்து சீன மற்றும்
ஜப்பானிய மக்கள் புரியும்

உயிர் கொலைகளுக்கு அளவேது?,
புத்த மதத்தை பின்பற்றும் சிங்கள மக்கள்
அகிம்சையை கடைபிடித்து அன்பு வழி நின்றிருந்தால்
தமிழ் மக்களை இன படுகொலை செய்து கொண்டிருப்பார்களா ?;
இல்லையே ? இன்னும்படுகொலைகள்

தொடர்ந்து கொண்டுதான் இருக்கிறதே ?
அது இன்று கடலில்l மீன் பிடிக்கும்

நம் நாட்டு மீனவர்களை
கொலை செய்யும் அளவிற்கு வளர்ந்து விட்டதுவே ?
புத்தம் சத்தமில்லாமல் செத்துவிட்டது
புத்த மதத்தின் காவலனாக விளங்கிய

திபெத் நாட்டு மக்கள் நாடிழந்து
வீடிழந்து உலகெங்கும் அகதிகளாய்

சுற்றி திரிவதன் காரணம் என்ன ?
மதத்தின் பெயரால் மடங்களும்

துறவு என்ற பெயரில்
சோம்பேறிகளையும் மக்கள் எவ்வளவு

காலம்தான் பொறுப்பார்கள் ?
அதன் விளைவுகள்தான்

இந்த அகதிகள் வாழ்க்கை
மனிதனை அரவணைத்து

அவன் வாழ்க்கையோடு
ஒட்டி போகும் மதங்கள்தான் வாழும் ;
பிற மதங்கள் எல்லாம் கால போக்கில்

சுவடுகள் இல்லாமல் போய்விடும்
பல்லாண்டுகள் தவம் செய்தும்

மனதின் தன்மையை புத்தன் புரிந்துகொண்டதை
அவன் மதத்தை பின்பற்றுபவர்கள்
புரிந்துகொள்ளவில்லை என்பதே
இந்த நிலைக்கு காரணம்

BUM BUM MAADU

2008-09-06T23:59:00.000-07:00

A GYPSY BOY WITH HIS DECORATED OXEN.HE WILL VISIT EACH
HOME PLAYING HIS NAYANA FOR HIS LIVELIHOOD.
THE OXEN WILL KNOD ITS HEAD TO THE BEAT OF DRUMS.

2008-09-06T07:09:00.000-07:00

THE NEVER ENDING DEBATE ON RELIGION
What is religion?
Why certain people are always interested in debating certain practices followed in each religion by comparison?
Why certain people in all the religions spreading hatred and spreading rumours of insecurity among the general public by overblowing certain bad incidents which occurred due to emotional outburst without knowing the real picture of the information aired by certain anti-social elements to create panic among the peace loving citizens.?
All these things are happening only due to the lack of understanding of their own religion in which they belong to . First of all religion is nothing but a way of life.
Certain religion were from time immemorial and certain religions were founded by certain seers and saints according to the situation prevailed in the area.
Most of the major religions accept GOD.
But the ways are different.
Some accept GOD with form some without form.
Some sees GOD everywhere and in everything.
There is nothing wrong about it.
If GOD is in everything he should be in human beings and in creatures also.
But this was not followed in the long run.
Several myths,superstitions and bad unholy practices were crept in the religion and they were started followed blindly by the people.
When human beings were neglected and idol worship was given importance.ISLAM and CHRISTIANITY were born.to teach the people to love the fellow citizens as their own.
When the animal sacrifices were at peak, to curb that practice and to spread the message of love BUDDHISM was born. So every religion was created on certain ideology for spreading love and peace among all.
But in the long run the religion has become a tool in the hands of the rulers who spread their religion with the aid of swords.
Now the rulers have changed .but the tactics are modernized
Adeep religious person will never hate anybody and never do any harm to anybody
Thousands of war on religion were fought won and lost thousands of times.
What is the result?.Crores of people were killed,wounded,crores of rupees spent on arms and ammunitions,crores worth of resources were burnt.
What is the outcome?
Few countries were richer and most of the countries were very poor even to eek their daily bread.
The religion cannot fill their belly.
Even after these collasal waste of resources on religion certain elements are all over the world are still treading this suicidal path of religious fanaticism.is highly deplorable.
Instead a making big holes in the wounds taking action to heal the wound s alone is the need of the hour.
Only the people who have no understanding of the religion they follow and the people who have no faith in any religion are alone creating disharmony among peace loving people and cause division among them to meet their personal ends.
They never respect the feelings of others.
Unless the people are able to understand the evil designs of these people this debate on religion will create untold sufferings on the humanity.

SLEEPING BEAUTIES

2008-09-05T22:41:00.000-07:00

அன்புதான் இவ்வுலகை காக்கும் மந்திரம்

2008-09-04T17:27:00.000-07:00

வன்முறைகளால் என்றும் நன்மை இல்லை.
உலகில் உள்ள மக்கள் அனைவரும் மதம்,மொழி,இனம் அனைத்திற்கும் அப்பாற்பட்டு அனைவரையும் சகோதரர்களாக நினைக்க வேண்டும் .வெளி நாட்டிலிருந்து மற்ற நாட்டிற்குள் ஊடுருவி வெடிகுண்டுகளை வெடித்து அப்பாவி மக்களை கொல்லும் தீவிரவாதிகளுக்கு அந்த நாட்டில் உள்ள சிலர் ஆதரவும் அடைக்கலமும் கொடுக்காமல் இருந்திருந்தால் உலகில் இவ்வளவு துயர சம்பவவங்கள் நடந்திருக்குமா?.பழிக்கு பழி வாங்கும் மனோபாவம் முடிவில்லாத துயரத்தைத்தான் தரும்.எந்த மதத்தை,மொழியை,இனத்தை,சார்ந்தவராயினும் வன்முறையை கைவிட்டு அஹிம்சை வழியில் பிறருக்கு நன்மை செய்யாவிடினும் தீமை செய்யாமல் இருக்க பழகி கொள்ள வேண்டும். இதற்க்கு மதத்தலைவர்களும், அரசியல் தலைவர்களும், மக்களை நல்வழியில் நடத்த நல்ல எண்ணங்களை தர எல்லோரையும் படைத்த இறைவன்தான் அறிவை அளிக்க வேண்டும்.அன்பு ஒன்றுதான் இவ்வுலகையும்,இவ்வுலக உயிர்களையும் அழிவிலிருந்து காக்கும் .அருமருந்து

கல்லூரி இளைஞனே

2008-09-04T17:20:00.000-07:00

கல்லூரி இளைஞனே
கல்லூரி இளைஞனே
இளைஞனே விழித்துகொள்வாய் இக்கணமே
சிந்தித்து செயல்படுவாய் தெளிவுடனே
கல்லூரி பருவத்திலே கல்வி கற்பதை விடுத்து
கவனத்தை சிதறடிக்கும் காதல் தேவைதானா ?
மோகத்தில் சிக்கி போகத்தில் வீழ்ந்தால்
வாழ்வின் குறிக்கோள் நிறைவேறுமோ ?
போதைக்காக கஞ்சா அடிக்கும் தம்பியே
நீ காவல் துறையிடம் சிக்கினால் ;
பல ஆண்டுகள் எண்ண வேண்டும் கம்பியே
விட்டுவிடு உடனே அதை எண்ணியே
உன் பெற்றோர்கள் இருக்கிறார்கள் உன்னை நம்பியே
ஜாதி என்னும் கூட்டுக்குள் உன்னை
சிறை வைத்துகொண்டால் பிறகு நீ சாதிப்பது
எங்ஙனம் ?
நல்லதோர் வாழ்க்கைக்கு நற்பண்புகளும் நற்க்கல்வியுமே ,அடித்தளம்
அடித்தளம் சரியில்லா கட்டிடம் ஆட்டம கண்டுவிடும்
அதுபோல்தான் பள்ளிப்பருவத்தில் அரசியலில் நுழைவதும் .
நாடும் வீடும் நம் இரு கண்களே
இரண்டும் நன்றாக இருக்க பரந்த மனமும்
கடும் உழைப்பும் கொண்டவனாக உருவாவது
உன் கையில்தான் உள்ளது

போதைக்கு அடிமையாகாதீர்

2008-09-04T17:13:00.000-07:00

போதைக்கு அடிமையாகாதீர்
போதைக்கு அடிமையாகாதீர்
கஞ்சா என்னும் நஞ்சு
அதை உண்டால் வெந்து புண்ணாகும் உன் நெஞ்சு
புகை பிடித்தால் தோன்றும் இன்பம்
புற்று நோய் வந்தால் தாங்க முடியாது துன்பம்
கள்ள சாராயம் குடிக்காதே
கை கால் விழுந்து தவிக்காதே
கண்டதை போட்டு காய்ச்சிய சாராயத்தால்
கண்பார்வை பறிபோகும் ,கண நேரத்தில் காலனும் உயிரை பறித்திடுவான்
உன்னையே நம்பியுள்ள குடும்பத்தை எண்ணியே
இனி குடிக்காதே
மூளையில் குழப்பத்தை தோற்றுவிக்கும்
குடியின் நெடியை முளையிலேயே கிள்ளிஎரியாவிடில்,உன்னை அழித்து உன் கல்லறை மீது முளைத்துவிடும் புற்கள் .
மதுவிற்கு அடிமையான பின் இழப்பதற்கு என்று ஏதும் இருக்காது ,ஒன்றன் பின் ஒன்றாக எல்லாமே போய்விடும் மானம் உட்பட.